69 वा राष्ट्रीय चित्रपट पुरस्कार सोहळा संपन्न; राष्ट्रपतींच्या हस्ते प्रसिद्ध कलाकारांचा सन्मान
69th National Film Awards : आज (17 ऑक्टोबर) 69 वा राष्ट्रीय चित्रपट पुरस्कार सोहळा (69th National Film Awards) पार पडला. या सोहळ्यामध्ये राष्ट्रपती द्रौपदी मुर्मू (Droupadi Murmu) यांच्या हस्ते विजेत्यांचा सन्मान करण्यात आला. यामध्ये अनेक प्रसिद्ध कलाकारांचा सत्कार करण्यात आला. हा पुरस्कार सोहळा नवी दिल्लीतील विज्ञान भवनात पार पडला.
या राष्ट्रीय चित्रपट पुरस्कारांची घोषणा 24 ऑगस्टला करण्यात आली होती. तर आज हा सोहळा पार पडला. यावेळी मराठी, बॉलिवूड कलाकारांसह दक्षिण भारतीय सिनेसृष्टीतील अनेक कलाकार सहभागी झाले होते. तर विजेत्या कलाकारांचा राष्ट्रपती द्रौपदी मुर्मू यांच्या हस्ते पुरस्कार देऊन त्यांचा सन्मान करण्यात आला.
विशेष म्हणजे राष्ट्रीय चित्रपट सोहळ्यात अनेक प्रसिद्ध मराठी कलाकारांनी पुरस्कारावर आपलं नाव कोरलं आहे. यामध्ये ‘एकदा काय झालं’ या चित्रपटाला सर्वोत्कृष्ट मराठी चित्रपटाचा पुरस्कार प्रदान करण्यात आला. तसंच बॉलिवूड अभिनेत्री आलिया भट्ट आणि अभिनेत्री क्रिती सेननला सर्वोत्कृष्ट अभिनेत्री पुरस्कार प्रदान करण्यात आला. तर अभिनेता अल्लू अर्जुनला सर्वोत्कृष्ट अभिनेत्याचा पुरस्कार प्रदान करण्यात आला.
69 वा राष्ट्रीय चित्रपट पुरस्कार विजेत्यांची यादी खालीलप्रमाणे –
– सर्वोत्कृष्ट मराठी चित्रपट – एकदा काय झालं
– सर्वोत्कृष्ट हिंदी चित्रपट – सरदार उधम सिंह
– सर्वोत्कृष्ट अभिनेत्री – आलिया भट्ट (गंगुबाई काठियावाडी), क्रिती सेनन (मिमी)
– सर्वोत्कृष्ट अभिनेता – अल्लू अर्जुन (पुष्पा द राइज)
– सर्वोत्कृष्ट सहाय्यक अभिनेत्री – पल्लवी जोशी (द काश्मीर फाइल्स)
– सर्वोत्कृष्ट सहाय्यक अभिनेता – पंकज त्रिपाठी (मिमी)
– सर्वोत्कृष्ट दिग्दर्शन – निखिल महाजन (गोदावरी – द होली वॉटर)
– सर्वोत्कृष्ट बालकलाकार – भाविन रबारी
– सर्वोत्कृष्ट फीचर फिल्म – रॉकेट्री: द नंबी इफेक्ट
– सर्वोत्कृष्ट गुजराती चित्रपट – छेल्लो शो
– सर्वोत्कृष्ट मल्याळम चित्रपट – होम
– सर्वोत्कृष्ट कन्नड चित्रपट – 777 चार्ली
– विशेष ज्युरी पुरस्कार – शेरशाह
– सर्वोत्कृष्ट मैथिली चित्रपट – समांतर
– सर्वोत्कृष्ट एडिटिंग – गंगुबाई काठियावाडी
– सर्वोत्कृष्ट स्पेशल इफेक्ट्स – आरआरआर (स्पेशल इफेक्ट्स क्रिएटर – व्ही श्रीनिवास मोहन)
– सर्वोत्कृष्ट अॅक्शन डायरेक्टर पुरस्कार – RRR (स्टंट कोरिओग्राफर – किंग सॉलोमन)
– सर्वोत्कृष्ट प्रॉडक्शन डिझायनर – सरदार उधम सिंह
– सर्वोत्कृष्ट कॉस्च्युम डिझायनर – सरदार उधम सिंह
– सर्वोत्कृष्ट संगीत दिग्दर्शन – पुष्पा / आरआरआर
– सर्वोत्कृष्ट नृत्यदिग्दर्शन – RRR (कोरियोग्राफर- प्रेम रक्षित)
