कंगनाला अतिउत्साहीपणा नडला; नदीच्या वाहत्या पाण्यातून वाट काढताना तोल गेला अन्…
मुंबई | Kangana Ranaut – बाॅलिवूडची क्वीन कंगना रणौत (Kangana Ranaut) सध्या तिच्या आगामी ‘इमरजंसी’ या चित्रपटाच्या कामामध्ये व्यस्त आहे. या चित्रपटाच्या चित्रीकरणासाठी सध्या ती आसाममध्ये रेकी करत आहे. याचेच काही फोटो कंगनानं तिच्या इन्स्टाग्राम अकाऊंटवर शेअर केले आहेत. या फोटोंमध्ये ती आपल्या टीमबरोबर काम करण्यात व्यस्त असल्याचं दिसून येत आहे. मात्र कंगनाला घनदाट जंगलामध्ये असलेली नदी पार करणं कठीण झालं आहे. यासंदर्भातील एक पोस्ट तिनं शेअर केली असून सध्या चांगलीच चर्चेत आहे.
कंगनानं शेअर केलेल्या पोस्टमध्ये तिला अतिउत्साह नडल्याचं सांगितलं आहे. नदीमधून एका ठिकाणाहून दुसऱ्या ठिकाणी जात असताना नदीच्या वाहत्या पाण्यामध्ये कंगना पडते. आणि याच पाण्यामधून वाट काढून ती पुढे चालत असल्याचं या फोटोमध्ये पाहायला मिळत आहे.
कंगानंन हा फोटो शेअर करत म्हटलं आहे की, “अतिउत्साह असला की हे असं होतं.” कंगनानं शेअर केलेला हा फोटो सध्या सोशल मीडियावर चांगलाच व्हायरल होत आहे. या फोटोमध्ये तिनं हिरव्या रंगाचा शर्ट, फिटींग पँट आणि डोक्यावर टोपी घातली आहे. तसंच तिच्या या पोस्टवर तिचे चाहते मोठ्या प्रमाणात कमेंट करताना दिसत आहेत.
