दुग्ध व्यवसायकांसाठी आनंदाची बातमी! 50 लाख शेतकऱ्यांना मिळणार 50 टक्के अनुदान!
नवी दिल्ली : (Dr. Sanjiv Balyan On Indian Formers) दुग्ध व्यवसायाच्या (Dairy Business) संदर्भात लवकरच केंद्र सरकार (Central Government) मोठा निर्णय घेण्याची शक्यता आहे. राष्ट्रीय गोकुळ मिशन अंतर्गत (National Gokul Mission Scheme) 50 लाखाहून अधिक शेतकऱ्यांना (Farmers) दुग्ध व्यवसाय करण्यासाठी 50 टक्के अनुदान उपलब्ध करुन देण्यात येणार आहे. सरकारच्या या योजनेचा लाभ घेऊन देशातील तरुण शेतकरी स्वत:चा व्यवसाय सुरू करू शकतील, अशी माहिती केंद्रीय मत्स्यव्यवसाय पशुसंवर्धन आणि दुग्धव्यवसाय राज्यमंत्री डॉ. संजीव बल्यान (Minister Sanjeev Balyan) यांनी दिली.
सध्या कृषी आणि दुग्ध व्यवसाय क्षेत्रात नवीन स्टार्टअप्स (startups) सुरु झाला आहे. तसंच नवीन व्यवसाय करु इच्छिणाऱ्यांसाठी सरकारनं आर्थिक मदत देण्याची तयारी केली आहे. दुग्ध व्यवसायाला चालना देणाऱ्या राष्ट्रीय गोकुळ मिशन योजनेअंतर्गत (National Gokul Mission Scheme) सरकार गाय, म्हैस, कोंबडी, शेळी आणि डुक्कर पालनाचा व्यवसाय करण्यासाठी सरकारकडून 50 टक्के अनुदान देण्यात येणार आहे. मत्स्यपालन, पशुसंवर्धन आणि दुग्ध व्यवसाय क्षेत्रात 50 लाखांहून अधिक लोकांना प्रत्यक्ष आणि अप्रत्यक्ष रोजगार देण्याचा सरकार प्रयत्न असल्याचे मत डॉ. संजीव बालियान यांनी सांगितले.
सध्या दूध आणि दुग्धजन्य पदार्थांना मागणी वाढत आहे. त्यामुळं या व्यवसायूतन मोठ्या प्रमाणावर नफा मिळवणं शक्य आहे. त्यामुळं या व्यवसायातून अधिकाधिक लोकांना रोजगाराच्या संधी उपलब्ध करून देण्यासाठी सरकार अनेक योजनांवर काम करत आहे. शेतकऱ्यांना पशुपालन किंवा दुग्ध व्यवसायासाठी आता 50 टक्के अनुदानही उपलब्ध करुन देण्यात येणार आहे. त्यामुळं सरकारच्या या योजनेचा लाभ घेऊन देशातील तरुण स्वत:चा व्यवसाय सुरू करू शकतील.
