मनसे नेते संदीप देशपांडे यांच्यावर शिवाजी पार्कमध्ये हल्ला

मुंबई | मनसेचे नेते संदीप देशपांडे यांच्यावर हल्ला झाल्याची धक्कादायक बातमी समोर आली आहे. या हल्ल्यात संदीप देशपांडेंनी किरकोळ दुखापत झाली आहे. हल्ल्यानंतर संदीप देशपांडेंना तातडीने हिंदुजा रुग्णालयात दाखल करण्यात आलं आहे.

संदीप देशपांडे मॉर्निंग वॉकसाठी शिवाजी पार्कमध्ये गेले होते. तेव्हा शिवाजी पार्कमध्ये असलेल्या एका टोळक्याने संदीप देशपांडे यांच्यावर स्टम्पच्या साहाय्याने हल्ला केला. या हल्ल्यात देशपांडे यांच्या हाताला आणि पायाला दुखापत झाल्याची माहिती समोर आली आहे. टोळक्याने केलेल्या हल्ल्यानंतर संदीप देशपांडेंना हिंदुजा रुग्णालयात दाखल करण्यात आलं आहे. त्यांची प्रकृती स्थिर असल्याची माहिती आहे. हल्लेखोरांबाबत अद्याप माहिती मिळू शकली नाही. या घटनेचा पोलीस तपास करत आहेत.