मुंबई | Actress Kanishka Soni Marries Herself – छोट्या पडद्यावरील ‘दिया और बाती हम’ ही लोकप्रिय मालिका होती. या मालिकेतील अभिनेत्री कनिष्का सोनीने एक खळबळजनक खुलासा केला आहे. त्यामुळे तिच्या चाहत्यांना आश्चर्याचा धक्का बसला आहे. कनिष्काने लग्न केल्याची माहिती सोशल मीडियावरून दिली आहे. पण आश्चर्याची गोष्ट म्हणचे तिने स्वतःशीच लग्नगाठ बांधली आहे. तिच्या वाढदिवशी तिने चाहत्यांशी एक पोस्ट शेअर लग्नाबद्दलची माहिती दिली आहे.
कनिष्काने तिच्या इन्स्टाग्राम अकाऊंटवर एक पोस्ट शेअर केली आहे. ही पोस्ट शेअर करत तिने म्हटलं आहे की, “मी स्वतःवर प्रेम करते आणि मला माझ्यापेक्षा प्रामाणिक कोणीही सापडत नाहीये. त्यामुळे आता मी फक्त माझ्याशीच कमिटेड आहे.” तसंच आणखी एक फोटो शेअर करत तिनं लिहिलं की, “मी माझे प्रत्येक स्वप्न पूर्ण केल्यामुळे मी स्वतःशी लग्न केलं. मी माझ्यावर प्रेम करणारी व्यक्ती आहे. माझं माझ्यावर खूप प्रेम आहे, त्यामुळे मला कोणत्याही पुरुषाची गरज नाही. मी एकटी आणि माझ्या गिटारसह खूप आनंदी आहे. मी देवी आहे, बलवान आणि सामर्थ्यवान आहे. शिव आणि शक्ती हे सर्व माझ्यात सामावलेले आहेत.” सध्या कनिष्काची ही पोस्ट चांगलीच चर्चेत आहे.
दरम्यान, कनिष्का सोनी हिने तिचा निर्णय योग्य असल्याचं सांगत आनंद व्यक्त केला आहे. तिच्या लग्नाबद्दल कळाल्यानंतर तिला सोशल मीडियावर ट्रोल केलं जातंय. मात्र या ट्रोलिंगवरही कनिष्का तिचं मत मांडत आहेत. तसंच कनिष्काने ‘पवित्र रिश्ता’, ‘देवी आदि पराशक्ती’ यांसारख्या मालिकांमध्येही भूमिका साकारल्या होत्या.