समृद्धी महामार्गावर आणखी एक मोठी दुर्घटना; क्रेन कोसळून 17 कामगारांचा मृत्यू
Samruddhi Mahamarg Accident – समृद्धी महामार्गावर (Samruddhi Mahamarg) आणखी एक मोठी दुर्घटना घडली आहे. समृद्धी महामार्गाच्या तिसऱ्या टप्प्याच्या कामावेळी अपघात झाला. ठाण्यातील (Thane) शहापूर (Shahapur) तालुक्यातील सरलांबे येथील पुलाच्या कामावेळी गर्डर मशिन कोसळली. यावेळी 17 कामगारांचा मृत्यू झाला आहे. तर चार ते पाच जण जखमी झाले आहेत.
मिळालेल्या माहितीनुसार, समृद्धी महामार्गाच्या तिसऱ्या टप्प्याचं काम रात्रीही सुरू होतं. त्यावेळी ही दुर्घटना घडली. गर्डर मशीनला जोडणारी क्रेन आणि स्लॅब हा तब्बल शंभर फूट उंचावरून कामगारांच्या अंगावर कोसळला. यामध्ये 17 कामगारांचा जागीच मृत्यू झाला असून तीन ते चार जण जखमी आहेत. सध्या जखमींना रूग्णालयात दाखल केलं असून त्यांच्यावर उपचार सुरू आहेत. तसंच या दुर्घटनेत मृतांची संख्या आणखी वाढण्याची शक्यता वर्तवली जातीये.
दरम्यान, सध्या पुलाच्या ढिगाऱ्याखाली NDRF कडून सर्च ऑपरेशन सुरू आहे. आत्तापर्यंत 17 जणांचा मृत्यू झाला असून हा मृत्यूचा आकडा आणखी वाढण्याची शक्यता वर्तवली जात आहे. तसंच घटनास्थळावर ठाणे TDRF ची तुकडीही दाखल झाली आहे.
