मुंबई | Free Booster Dose – केंद्र सरकारनं बूस्टर डोसबाबत मोठा निर्णय घेतला आहे. 18 वर्षांवरील नागरिकांना पुढील 75 दिवसांसाठी बूस्टर डोस मोफत देण्याचा निर्णय केंद्र सरकारने घेतला आहे. केंद्रीय मंत्री अनुराग ठाकूर यांनी बुधवारी याबाबतची घोषणा केली आहे. 15 जुलैपासून पुढील 75 दिवसांपर्यंत 18 वर्षांवरील नागरिकांना बूस्टर डोस मोफत देण्याचा निर्णय घेण्यात आला आहे.
सध्या भारत 75 वा स्वातंत्र्य दिन साजरा करत आहे. याला देशभरात स्वातंत्र्याचा अमृत महोत्सव म्हणून साजरा करण्यात येत आहे. त्यामुळे केंद्र सरकारने 15 जुलै 2022 पासून पुढील 75 दिवस 18 वर्षांवरील नागरिकांना बूस्टर डोस मोफत करण्याचा निर्णय घेण्यात आला आहे, अशी माहिती केंद्रिय मंत्री अनुराग ठाकूर यांनी दिली आहे.
दरम्यान, ज्या व्यक्तींनी कोरोना प्रतिबंधक लसीचे दोन डोस पूर्ण केले आहेत त्यांना दोन्ही डोस घेऊन सहा महिने किंवा त्याहून अधिक काळ लोटला असेल त्या व्यक्ती बूस्टर डोस घेऊ शकतात. त्यासाठी ते जवळच्या खाजगी लसीकरण केंद्रावर बूस्टर डोससाठी नोंदणी करु शकतात.