भाजपचं उपरणं पडलं महागात! हेमंत रासने यांच्याविरोधात गुन्हा दाखल

पुणे | कसबा आणि पिंपरी-चिंचवड पोटनिवडणुकीसाठी काल मतदान प्रक्रिया पार पडली. ही जागा भाजपच्या आमदार मुक्ता टिळक यांच्या निधनानंतर रिक्त झाली होती. त्यामुळे या जागेवर पोटनिवडणूक घेण्यात आली. निवडणुकीवेळी भाजपचे उमेदवार हेमंत रासने यांनी आचारसंहितेचा भंग केल्याप्रकरणी त्यांच्या विरोधात गुन्हा दाखल करण्यात आला आहे.

हेमंत रासने मतदान केंद्रात जाताना भाजपचं उपरणं घालून गेल्याने निवडणूक आयोगाच्या अधिकाऱ्यांनी आक्षेप घेतला. अन् रासने यांच्या विरोधात या अधिकाऱ्यांनी गुन्हा दाखल केला आहे. आचारसंहितेचा भंग केल्याचा आरोप रासने यांच्यावर ठेवण्यात आला आहे. या प्रकरणी आता रासने यांच्यावर गुन्हा दाखल करण्यात आला आहे.