पुणे : ‘कोथरूड सुरोत्सव’ उत्सव सुरांचा दिवाळी पहाट दोन दिवसीय कार्यक्रमास रसिकांचा चांगला प्रतिसाद मिळाला आहे. ‘कोथरूड सुरोत्सवाच्या पहिल्या दिवशी २० ऑक्टोबर २०२२ रोजी पहाटे सुप्रसिद्ध शास्त्रीय गायक राहुल देशपांडे व सुप्रसिद्ध शास्त्रीय गायिका अमृता नातू आपल्या शास्त्रीय गायनाने रसिकांना मंत्रमुग्ध केलेे होते.
‘कोथरूड सुरोत्सव’ कार्यक्रमात पुणे जिल्हा पालकमंत्रिपदी निवड झाल्याबद्दल आमदार चंद्रकांत पाटील आणि भाजपा महाराष्ट्र सरचिटणीसपदी मुरलीधर मोहोळ यांची निवड झाल्याबद्दल छत्रपती शिवाजीमहाराजांची मूर्ती भेट देऊन भव्य नागरी सत्कार करण्यात आला.
तर दुसर्‍या दिवशी २१ ऑक्टोबर २०२२ रोजी सांयकाळी सुप्रसिद्ध गायिका बेला शेंडे यांनी सदाबहार गाणे सादर केली. या वेळी बेला शेंडे यांच्या गाण्यावर रसिक थिरकले होते. कार्यक्रमाचे आयोजन सौ. हर्षाली दिनेश माथवड (मा. नगरसेविका, पुणे मनपा) आणि सामाजिक कार्यकर्ते दिनेश माथवड यांनी नॉर्थ डहाणूकर मैदान, कोथरूड पुणे येथे केले असून कार्यक्रमाचे नियोजन डी के एंटरटेंन्टमेंट्‌स पाहिले होते.