एकीकडे मणिपूरमध्ये महिलांची नग्न धिंड, तर त्याच दिवशी राजधानीत दोन तरूणींवर सामूहिक बलात्कार अन् हत्या
मणिपूर | Manipur Violence – सध्या मणिपूरमधील (Manipur) घटनेनंतर संपूर्ण देशभरात एकच खळबळ उडाली आहे. या घटनेचा व्हिडीओ सोशल मीडियावर व्हायरल झाल्यानंतर सगळीकडे एकच खळबळ उडाली आहे. व्हायरल झालेल्या व्हिडीओत एका जमावानं दोन महिलांना विवस्त्र करून त्यांची धिंड काढण्यात आल्याचं दिसलं. तसंच तो जमाव त्यांना एका शेतात घेऊन जाताना दिसला. यावेळी जमावातील काही लोक पीडित महिलांच्या शरीराला ओरबाडत, मारहाण करत त्यांच्यावर अत्याचार करत असल्याचंही दिसले. या घटनेनंतर संपूर्ण देशभरातून संतप्त प्रतिक्रिया येत आहेत. या घटनेतील आरोपींवर कडक कारवाई करण्याची मागणी देखील केली जात आहे.
ही संतापजनक घटना 4 मे 2023 रोजी मणिपूरमधील थौबार जिल्ह्यात घडली आहे. तसंच दोन महिने उलटूनही आरोपींना अटक केलेली नाहीये. या घटनेचा व्हिडीओही सोशल मीडियावर व्हायरल होत आहे. हा व्हिडीओ व्हायरल झाल्यानंतर संपूर्ण देशभरातनू तीव्र संताप व्यक्त केला जात आहे. तसंच या घटनेदिवशीच राजधानी इंफाळमध्ये (Imphal) असाच एक प्रकार घडला आहे.
ज्या दिवशी मणिपूरमध्ये दोन महिलांची नग्न धिंड काढून त्यांच्यावर अत्याचार करण्यात आला. त्याच दिवशी राजधानी इंफाळमध्येही दोन बहिणींवर सामूहिक बलात्कार करत त्यांची हत्या करण्यात आली आहे. याप्रकरणी पीडित तरूणींच्या वडिलांनी पोलिसात तक्रार दाखल केली असल्याचं वृत्त ‘हिंदुस्तान टाइम्स’नं दिलं आहे.
राजधानी इंफाळमध्ये एका कारवॉश सेंटरमध्ये दोन बहिणी काम करत होत्या. त्या दोघीही भाड्याच्या घरात राहत होत्या. तसंच मणिपूरमध्ये ही घटना घडल्यानंतर त्याच दिवशी एक जमाव त्या दोघींच्या घरामध्ये घुसला आणि त्यांनी त्या दोघींवर सामूहिक बलात्कार करत त्यांची हत्या केली. या प्रकरणातील एकाही आरोपीला अजुनही अटक करण्यात आलेली नाहीये.
