कधी, केव्हा, कुठे?; भारत वि. पाकिस्तान हाय व्होल्टेज सामना रंगणार!
मुंबई – (INDvsPAK) क्रिकेटमध्ये भारताचा कट्टर प्रतिस्पर्धी असलेल्या पाकिस्तानविरूद्ध भारताचा सामना होणार आहे. भारत आणि पाकिस्तानमध्ये या वर्षाच्या अखेरीस ऑक्टोबर-नोव्हेंबरमध्ये ऑस्ट्रेलियात टी-20 विश्वचषक 2022 (T20 World Cup 2022) सुरू होण्यापूर्वी भारत आणि पाकिस्तान एकमेकांसमोर येऊ शकतात.
ऑगस्टच्या उत्तरार्धात श्रीलंकेत खेळल्या जाणार्‍या महाद्वीपीय स्पर्धेसह आशिया चषका 2022 च्या एकाच गटात दोन्ही संघांचा समावेश केला जाऊ शकतो. 28 ऑगस्ट रोजी भारत पाकिस्तानशी भिडण्याची शक्यता आहे.
दरम्यान, यूएईमध्ये टी-20 विश्वचषक 2021 स्पर्धेनंतर दोन्ही प्रतिस्पर्धी आंतरराष्ट्रीय पातळीवर पहिल्यांदाच समोरा-समोर येणार आहेत. गेल्या वर्षी झालेल्या स्पर्धेत पाकिस्तानने भारताचा १० गडी राखून पराभव केला होता, जो विश्वचषक स्पर्धेतील त्यांच्याविरुद्धचा पहिला विजय ठरला. बाबर आझमच्या नेतृत्वाखाली पाकिस्तान संघ खेळत होता.
