आईला मारणाऱ्या लेकीचं भयानक कृत्य; आधी बॉयफ्रेंडला बाजारात पाठवलं आणि मग…
Lalbaug Murder : लालबाग येथील काळाचौकी पोलिसांनी मंगळवारी रात्री रिम्पल जैन हिला आई विना जैन यांच्या हत्ये प्रकरणी अटक केली. रिम्पलने तिच्या आईची डिसेंबर महिन्यात हत्या केली. त्यानंतर मृतदेहाचे अनेक तुकडे करून फ्लॅटवर ठेवले केलीय. वीना जैन आणि त्यांची मुलगी रिंपल जिथे राहत होते तिथे शेजाऱ्यांना दुर्गंधी वास येत होता. त्यामागचे धक्कादायक कारण समोर आले आहे.
रिंपल घरी आलेल्या शेजाऱ्यांसह नातेवाईकांना दिशाभूल करणारी उत्तरे देत होती. रिंपलच्या घरी नातेवाईक गेले तेव्हा त्यांना घरात तीव्र दुर्गंधी पसरल्याचं जाणवलं. या संशयातून वीना जैन यांच्या हत्येचा उलगडा झाला. आईची हत्या केल्यानतंर दुसऱ्या दिवशी मृतदेहाचे तुकडे रिंपलने बाथरूममधून बाहेर टाकण्याचा प्रयत्न केला. यावेळी घरात काही ठिकाणी डागही पडले. तसंच बाथरूम ब्लॉक झालं होतं. ते स्वच्छ करण्यासाठी रिंपलने प्रियकराला सक्शन कप आणण्यास सांगितलं होतं. रिंपलचा प्रियकर लालबाग परिसरातल एका हॉटेलमध्ये काम करतो.
हत्या केल्यानंतर 28 नोव्हेंबर रोजी रिंपलचा प्रियकर तिच्या घरी गेला होता. तेव्हा त्याला दुर्गंधी वास आला. त्यावेळी रिंपलने बाथरूम तुंबल्यानं वास येतोय, तू सक्शन कप आणि दोन बाटल्या परफ्यूम, रूम फ्रेशनर आण असं त्याला सांगितलं. प्रियकराने तिला मदत केली. त्यानंतर रिंपलने परफ्यूम आणि रूम फ्रेशनर्सचा वापर दुर्गंधी लपवण्यासाठी सुरू केला. तिने मृतदेहाचे लहान तुकडे बाथरूममधून फ्लश करायला सुरुवात केल्याचा संशय पोलिसांना आहे. पोलिसांनी रिंपलच्या घरातून मृतदेहाचे तुकडे ताब्यात घेतले. तर काही तुकडे घराजवळ असणाऱ्या नाल्यातही आढळले आहेत. तिने बाथरूममधून मृतदेहाचे तुकडे बाहेर टाकण्याचा प्रयत्न देखील केला असल्याची माहिती मिळाली आहे.
