विधानसभेत वैद्यकीय मंत्र्यांनी केली ‘ही’ मोठी घोषणा
नागपूर | Maharashtra Assembly Winter Session – विधीमंडळाच्या हिवाळी अधिवेशनात (Assembly Winter Session) राज्य सरकारनं मोठी घोषणा केली आहे. राज्यात लवकरच डाॅक्टर, तंत्रज्ञांच्या साडे चार हजार जागांवर भरती केली जाणार असल्याची घोषणा वैद्यकीय मंत्री गिरीश महाजन (Girish Mahajan) यांनी केली आहे. टीसीएसच्या (TCS) माध्यमातून ही भरती प्रक्रिया पार पडणार आहे.
अधिवेशनात गिरीश महाजन म्हणाले की, एमपीएससीच्या माध्यमातून आम्ही 300 डॉक्टर भरले आहेत. सध्या 28 टक्के पदे रिक्त आहेत. आम्ही या संदर्भात मेडिकल बोर्ड तयार करणार आहोत आणि त्या माध्यमातून लवकरच पदभरती करण्यात येईल. यासाठी आम्ही प्रयत्न करत आहोत. तसंच एमपीएससी (MPSC) मार्फत जागा भरण्यास वेळ लागतो. आत्तापर्यंत 10 टक्के हॉस्पिटल आणि 90 टक्के हाफकिन अशी औषधे खरेदी होती, मात्र आम्ही आता हे प्रमाण बदलत आहोत. आता 30 टक्के हॉस्पिटल आणि 70 टक्के हाफकिन अशी औषधं खरेदी केली जातील.
नागपूर, मुंबई, पुणे, औरंगाबाद येथे रुग्णांची संख्या मोठ्या प्रमाणात असते. तत्काळ व्हेंटिलेटर उपलब्ध करायची म्हटलं तरी ते शक्य होतं नाही. ही सध्याची वस्तुस्थिती आहे. कारण रुग्णांची संख्या मोठया प्रमाणात असून लवकरच जास्तीत जास्त व्हेंटिलेटर उपलब्ध करण्यात येतील, अशी माहिती गिरीश महाजन यांनी दिली.
पुढे ते म्हणाले, आपण मेडिकल कॉलेज बाबत लवकरच निर्णय घेतोय. अधिक मनुष्यबळासह हॉस्पिटल सुरू करण्यात येतील. तसंच मेडिकल विद्यार्थ्यांच्या हाॅस्टेलसाठी राज्यात 10 हजार खोल्या बांधण्याची गरज आहे. आम्ही सीएसअरच्या माध्यमातुन हा प्रश्न मांडत आहोत. तर 2024 पर्यंत जे जे सुपर स्पेशालिस्ट हॉस्पिटल करत आहोत. रिचर्ड अँड क्रुडास येथील जागा जी 99 वर्षाच्या करारावर देण्यात आली होती त्यांची मुदत 20 वर्षांपूर्वीच संपली आहे. ती जागा जर जे जे ला मिळाली तर मोठा फायदा होईल. सध्या हे प्रकरण कोर्टात सुरू आहे. अपेक्षा आहे यावर लवकरच निर्णय लागेल, असंही महाजन म्हणाले.
