मुंबई | Rakhi Sawant On PM Narendra Modi – अभिनेत्री राखी सावंत ही नेहमी सोशल मीडियावर सक्रिय असते. तिला बोल्ड आणि बिनधास्त अभिनेत्री म्हणून ओळखलं जातं. तसंच ती तिच्या वादग्रस्त वक्तव्यांमुळे चर्चेत येत असते. काही दिवसांपूर्वीच राखी सावंतने बूस्टर डोस घेतला होता. मात्र हा डोस घेतल्यानंतर तिचं आयुष्य उद्धवस्त झाल्याचा आरोप राखीनं केला आहे. मला रात्रीची झोप येत नाही, असा दावा करत तिनं पंतप्रधान नरेंद्र मोदी यांच्यावर निशाणा साधला आहे. नुकतंच पत्रकारांशी संवाद साधताना तिनं याबाबतचं वक्तव्य केलं आहे.
राखी सावंत ही सोमवारी मुंबई विमानतळावर गेली. यावेळी त्या ठिकाणी उपस्थित असलेल्या फोटोग्राफर्सने तिला विविध प्रश्न विचारले. यावेळी तिनं पंतप्रधान मोदींवर थेट आरोप करण्यास सुरुवात केली. “मोदीजी तुम्ही माझं आयुष्य उद्धवस्त केलं आहे. मी गेल्या दोन रात्रींपासून झोपलेली नाही. बूस्टर डोस घेतल्यापासून मला झोपचं येत नाही. माझ्या हृदयाची धडधड वाढली आहे. माझे शरीर वेगवेगळ्या गोष्टी मागत आहे. मी फार अस्वस्थ झाली आहे.” असं राखी म्हणाली.
“बूस्टर डोस घेतल्यापासून माझ्या शरीरात काय सुरु आहे हेच मला कळत नाही. माझा चेहरा सुजलेला आहे. मला अजिबात झोप येत नाही. माझी अवस्था खूप वाईट आहे. याचे परिणाम पाहून मला वाटते की हे बूस्टर इंजेक्शन 60, 70, 80, 90 वयाच्या व्यक्तींना द्यायला हवे. ज्यांना चालता-फिरता येत नाही.” असंही राखी म्हणाली.
“मी बूस्टर डोस घेतल्यापासून वेड्यासारखी झाली आहे. मी फक्त आदिलला शोधत आहे. आताही मी त्यालाच भेटायला जात आहे. यावरुन तुम्ही बुस्टर डोसने माझी अवस्था काय झाली असेल, याचा विचार करुच शकता. “मोदीजी, हे इंजेक्शन कसले आहे? यात कोणकोणते प्राणी आहेत हेच मला समजत नाही. मला झोप येत नाही. माझे डोळे सुजले आहेत. माझा चेहराही सूजला आहे. हे व्हायग्रा आणि वासनेचे इंजेक्शन आहे”, असं देखील राखी म्हणाली.