रश्मिका- विजय देवरकोंडाच्या नात्याबाबत सारा- जान्हवीनं केला खुलासा, म्हणाल्या…
मुंबई | Sara- Janhvi Reveled About Rashmika- Vijay Devarkonda’s Relationship – दाक्षिणात्य अभिनेत्री रश्मिका मंदाना आणि अभिनेता विजय देवरकोंडा एकमेकांना डेट करत असल्याच्या चर्चा गेल्या काही दिवसांपासून सुरू आहेत. मात्र या दोघांनी यावर कोणतीही प्रतिक्रिया दिलेली नाही. याच दरम्यान, बॉलिवूड अभिनेत्री सारा अली खान आणि जान्हवी कपूर यांनी नुकतीच करण जोहरच्या ‘कॉफी विथ करण 7’ चॅट शोमध्ये हजेरी लावली होती. यावेळी त्यांनी रश्मिका आणि विजयच्या अफेअरच्या चर्चांवर मोठा खुलासा केला आहे.
करण जोहरच्या चॅटशोमध्ये सारा आणि जान्हवी यांनी अनेकदा विजय देवरकोंडाचं नाव घेतलं आहे. त्यावरून या दोघीही साउथ सुपरस्टार विजय देवरकोंडावर फिदा आहेत. जेव्हा करण जोहरने सारा अली खानला अशा एका व्यक्तीचं नाव सांग ज्याला डेट करण्याची तुझी इच्छा आहे असं विचारलं. त्यावर सारा अली खाननं विजय देवरकोंडाचं नाव घेतलं. यानंतर जेव्हा साराने जान्हवीला विचारलं की तिलाही विजय आवडतो का तर त्यावर जान्हवीही विजयला डेट करण्यास तयार असल्याचं म्हणते.
या एपिसोडमध्ये जान्हवीने विजयचा संदर्भ देत म्हटलं की, त्याच्यामुळेच रश्मिका मंदानाच्या इन्स्टाग्राम फॉलोअर्समध्ये वाढ झाली आहे. यानंतर सोशल मीडियावर पुन्हा एकदा विजय आणि रश्मिकाच्या नात्याची चर्चा सुरू झाली आहे. एवढंच नाही तर सारा आणि जान्हवीने अप्रत्यक्षपणे विजय आणि रश्मिकाच्या नात्याची पुष्टी केल्याचं बोललं जात आहे.
