केजरीवालांना झटका! मोदींच्या पुरस्कारासाठी शरद पवार पुण्यातच थांबणार..

पुणे : (Sharad Pawar On Arvind Kejariwal) मंगळवार दि. १ ऑगस्ट रोजी पंतप्रधान नरेंद्र मोदी यांच्या पुणे दौरा आयोजित केला आहे. यावेळी त्यांना लोकमान्य टिळक राष्ट्रीय पुरस्कार देण्यात येणार आहे. या कार्यक्रमासाठी राष्ट्रवादीचे अध्यक्ष शरद पवार हे पुण्यातच राहाणार असल्याची माहिती कार्यक्रमाचे आयोजक रोहित टिळक यांनी दिली आहे. त्यामुळे हा आपचे नेते अरविंद केजरीवाल यांच्यासाठी मोठा धक्का मानला जात आहे.

दरम्यान, त्याच दिवशी राज्यसभेत केंद्र सरकारने दिल्लीतील राज्य सराकारविरोधात काढलेल्या आध्यादेशावर मतदान घेतले जाणार आहे. यासाठी केजरीवाल यांनी शरद पवारांनी संसदेत उपस्थित राहावे अशी इच्छा व्यक्त केली होती.

मात्र, शरद पवार या दिवशी पुण्यातच थांबणार असल्याने राज्यसभेत हा केजरीवालांना धक्का समजला जात आहे. त्यामुळे मोदी यांच्या विरोधात उभा टाकू पाहाणाऱ्या इंडिया आघाडीत बिघाडी तर येणार नाही ना हे पाहाणं महत्त्वाचं ठरणार आहे.