शेखर मुंदडा एनआरडीसीच्या संचालकपदी!
पुणे : आपल्या सामाजिक तथा उद्योग जगतातील केलेल्या सर्वोत्कृष्ट कार्याची नोंद घेत शेखर मुंदडा यांची एनआरडीसीच्या भारतातील तीन संचालकांपैकी एक म्हणून नियुक्ती करण्यात आली आहे. नॅशनल रिसर्च डेव्हलपमेंट कॉर्पोरेशनची स्थापना भारत सरकारने १९५३ मध्ये विविध राष्ट्रीय संस्था, विद्यापीठांमधून होणारे तंत्रज्ञान, माहिती, शोध पेटंट प्रक्रिया यांचा प्रचार, विकास आणि व्यावसायिकीकरण करण्याच्या प्राथमिक उद्देशाने केली आहे.
विज्ञान आणि तंत्रज्ञान मंत्रालयाच्या वैज्ञानिक आणि औद्योगिक संशोधन विभागाच्या प्रशासकीय नियंत्रणाखाली सदर संस्था काम करते. आपल्या अस्तित्वाच्या गेल्या सहा दशकांत आणि कॉर्पोरेट उद्दिष्टांच्या अनुषंगाने, भारत आणि परदेशातील वैज्ञानिक आणि औद्योगिक समुदायाशी मजबूत संबंध प्रस्थापित केले आहेत आणि संशोधन संस्था, शैक्षणिक आणि उद्योगांचे विस्तृत जाळे विकसित केले आहे. प्रयोगशाळांमध्ये माहितीचे व्यापारीकरण विकसित झाले आहे आणि आता उद्योगांच्या जवळजवळ सर्व क्षेत्रांमध्ये पसरलेल्या विस्तृत तंत्रज्ञानाचे एक मोठे भांडार म्हणून याला ओळखले जाते.
