ओबीसी आरक्षणाशिवाय निवडणुकांचं बिगूल वाजलं; राज्य निवडणूक आयोगाची मोठी घोषणा!

मुंबई : (State Election Commission) राज्यातील सत्तानाट्याचा खेळ आणखी थांबला नसतानाच आता राज्य निवडणुक आयोगानं नगरपरिषद आणि नगरपंचायत निवडणुकांचा कार्यक्रम जाहीर केला आहे. १७ जिल्ह्यातील तब्बल ९२ नगरपालिकांच्या निवडणुका जाहीर आयोगाकडून जाहीर करण्यात आल्या आहेत.

दरम्यान, राज्यातील ओबीसीच्या राजकीय आरक्षणाचा प्रश्न प्रलंबित आहे. या पार्श्वभुमीवर स्वराज्य संस्थांच्या निवडणुका कधी जाहीर होणार याकडे सर्वांचं लक्ष लागलं होतं. अखेर निवडणूक आयोगानं ९२ नगरपालिकांच्या निवडणूका जाहीर केल्या आहेत. सादर केलेल्या परिपत्रकानुसार १८ ऑगस्ट रोजी मतदानाची प्रक्रिया पार पडेल आणि त्यानंतर १९ ऑगस्ट रोजी निकाल जाहीर करण्यात येतील. १७ जिल्ह्यातील कमी पाऊस पडणाऱ्या नगरपालिका क्षेत्रांमध्ये निवडणूक पार पडणार आहे.

सदरील निवडणुका या नगरपालिका अ, ब, क या वर्गातील आहेत. तर काही नगरपंचायतींसाठी मतदाना होणार आहे.

असा असेल निवडणुकींचा कार्यक्रम
अर्ज स्वीकारण्याचा कालावधी २२ ते २८ जुलै
अर्जाची छाननी : २९ जुलै

अर्ज मागे घेण्याची मुदत : ४ ऑगस्ट दुपारी ३ पर्यंत
उमदेवारी अर्जावरील आक्षेप : ८ ऑगस्ट
मतदानाचा दिनांक : १८ ऑगस्ट
मतमोजणी आणि निकाल : १९ ऑगस्ट

जिल्हानिहाय नगरपालिकांची यादी अ वर्ग नगरपालिका
पुणे : बारामती, सोलापूर : बार्शी, जालना : जालना, बीड : बीड, उस्मानाबाद : उस्मानाबाद, जळगाव : भुसावळ

ब वर्ग नगरपालिका
नाशिक : मनमाड, सिन्नर, येवला, धुळे : दोंडाईचा बरवाडे, शिरपूर वरवाडे, नंदूरबार : शहादा, जळगाव : अमळनेर, चाळीसगाव
अहमदनगर : संगमनेर, कोपरगाव, श्रीरामपूर, पुणे : चाकण, दौंड, सातारा : कराड, फलटण, सागंली : इस्लामपूर, विटा
सोलापूर : अक्कलकोट, पंढरपूर, अकलूज, कोल्हापूर : जयसिंगपूर, औरंगाबाद : कन्नड पैठण, बीड : अंबेजोगाई, माजलगाव, परळी-वैजनाथ, लातूर : अहमदपूर, अमरावती : अंजनगाव सूर्जी

क वर्ग नगरपालिका
नाशिक : चांदवड, नांदगाव, सटाणा, भगूर, जळगाव : वरणगांव, धरणगाव, एंरणडोल, फैजपूर, पारोळा, यावस, अहमदनगर : जामखेड, शेवगाव, देवळाली प्रवरा, पाथर्डी, राहता, राहुरी, पुणे : राजगुरुनगर, आळंदी, इंदापूर,जेजुरी, सासवड, शिरुर
सातारा : म्हसवड, रहितमपूर, वाई, सांगली : आष्टा, तासगाव, पलूस, सोलापूर : मोहोळ, दुधनी, करमाळा, कुर्डूवाडी, मंदगी, मंगळवेढा, सांगोला, कोल्हापूर : गडहिंग्लज, कागल, कुरुंदवाड, मुरगूड, वडगाव, औरंगाबाद : गंगापूर, खुल्ताबाद,
जालना: अंबड, भोकरदन, परतूर, बीड : गेवराई, किल्ले धारुर, उस्मानाबाद : भूम, कळंब, मुरुम, नळदूर्ग, उमरगा, परंडा, तुळजापूर, लातूर : औसा, निलंगा, अमरावती : दर्यापूर, बुलडाणा : देऊळगाव राजा

नगरपंचायत निवडणूक
अहमदनगर : नेवासा, पुणे : मंचर, माळेगाव बुद्रुक, सोलापूर : अनगर