“महेश भट्ट यांनी माझ्याशी…”, अभिनेत्री सुष्मिता सेनचा धक्कादायक खुलासा

मुंबई | Sushmita Sen Tells Shocking Experience About Bollywood Director Mahesh Bhatt – काही दिवसांपूर्वीच अभिनेत्री सुष्मिता सेन चांगलीच चर्चेत आली होती. सुष्मिता आणि उद्योगपती ललित मोदी यांचे काही खासगी फोटो सोशल मीडियावर व्हायरल झाले होते. यानंतर नेटकऱ्यांनी त्या दोघांना आणि खासकरून सुष्मिताला ट्रोल करायला सुरुवात केली होती. यानंतर लगेचच तिने एक फोटो सोशल मीडियावर शेअर करत यावर स्पष्टीकरणही दिले होते. तसंच आता सुष्मिता एका वेगळ्याच कारणासाठी चर्चेत आली आहे.

सुष्मितानं नुकताच दिग्दर्शक महेश भट्ट यांच्याबाबतचा एक धक्कादायक खुलासा केला आहे. महेश भट्ट यांनी आपल्याशी गैरवर्तन केलं आहे असं म्हणत सुष्मितानं महेश भट्ट यांचा खरा चेहेरा लोकांसमोर आणला आहे. एका बॉलिवूड पार्टीमध्ये महेश भट्ट यांनी सुष्मितावर हात उचलला होता, इतकंच नाही तर चित्रपटात काम करताना मी मन लावून काम करावं यासाठी कित्येकदा महेश भट्ट यांनी मला ओरडून ताकीद दिली होती. भर पार्टीत हात उगारणं किंवा मोठ्या आवाजात ओरडणं याला गैरव्यवहारच म्हणतात, असं सुष्मितानं म्हटलं आहे.

दरम्यान, सुष्मिता सेन ही सध्या हॉटस्टारवर प्रदर्शित झालेल्या ‘आर्या’ या वेबसिरिजमध्ये मुख्य भूमिकेत दिसली होती. प्रेक्षकांनी सुष्मिताच्या या भूमिकेचं तोंडभरून कौतुक केलं आहे. या सिरिजचा दूसरा भाग नुकताच प्रदर्शित झाला असून लवकरच या सिरिजचा तिसरा भागदेखील प्रेक्षकांच्या भेटीला येण्याची शक्यता आहे.