World Cup 2023 : इऑन मॉर्गनने ‘या’ चार आवडत्या संघांची केली विश्वचषकाच्या उपांत्य फेरीसाठी निवड
World Cup 2023 On Eoin Morgan : आगामी विश्वचषकाच्या पार्श्वभुमीवर खेळाडूंच्या वेगवेगळ्या प्रतिक्रिया येत आहेत. त्यातच आता इंग्लंडचा माजी कर्णधार इयॉन मॉर्गनने (Eoin Morgan) आगामी आयसीसी विश्वचषक 2023 बद्दल आपले मत व्यक्त केलं आहे. स्पर्धेतून पाहण्यासाठी त्याचे आवडते संघ निवडले आहेत. इयॉन मॉर्गनच्या नेतृत्वाखाली इंग्लंडने चार वर्षांपूर्वी प्रथमच 2019 चा विश्वचषक जिंकला होता. चार वर्षांनंतर जोस बटलरच्या नेतृत्वाखाली इंग्लंडचे जेतेपदाचे रक्षण करण्याचे लक्ष्य असेल.
जगातील अव्वल संघांविरुद्ध भारतीय परिस्थितीत खेळणे इंग्लंडसाठी कठीण काम असेल. एका चॅनलशी संवाद साधताना मॉर्गन म्हणाला, “जेव्हा स्पर्धेच्या व्यवसायाच्या समाप्तीची वेळ येते तेव्हा मला शंका नाही की इंग्लंड तिथे असेल, मला शंका नाही की भारत तिथे असेल.
इतर संघ ज्यांना मी ट्रॉफी उंचावताना पाहीन ते म्हणजे ऑस्ट्रेलिया आणि पाकिस्तान, दोन अतिशय मजबूत संघ आणि मोठ्या स्पर्धांच्या बाबतीत दोन स्पर्धक,” असं सांगण्यात आलं आहे. त्यामुळे येत्या काळात आयसीसी विश्वचषक कोणता संघ जिंकते हे पाहाणं महत्त्वाचं ठरणार आहे.
