Maharashtra Mumbai Crime News : शिवसेना (उद्धव बाळासाहेब ठाकरे) पक्षाच्या (Shivsena Uddhav Balasaheb Thackeray) माजी नगरसेविका रिद्धी खुरसंगे यांच्या पुतणीवर अज्ञातांनी घरात घुसून त्यांच्या हल्ला केल्याची धक्कादायक घटना घडली आहे. या हल्ल्यात माजी नगरसेविकेची पुतणी गंभीर जखमी झाली असून उचपारासाठी तिला रुग्णालयात दाखल करण्यात आलं आहे.
या घटनेमुळे पुन्हा एकदा महिला सुरक्षेचा प्रश्न ऐरणीवर आला आहे. अशातच ठाकरे गटाच्या माजी नगरसेविका रिद्धी खुरसुंगे यांच्या मदतीला शिंदे गटाचे आमदार प्रकाश सुर्वे (Prakash Surve) धावून आले आहेत. संपूर्ण राज्यभरात ठाकरे गट आणि शिंदे गटांमध्ये वाद सुरू आहेत. मात्र मुंबईतील (Mumbai News) एका धक्कादायक घटनेनं ठाकरे गट आणि शिंदे गट यांच्यातील दुरावा काही काळासाठी का होईना, कमी झाल्याचं पाहायला मिळालं.
आमदार सुर्वे यांनी रुग्णालयात जाऊन रिद्धी खुरसंगे यांच्या पुतणीची भेट घेतली आणि तिच्या प्रकृतीची विचारपूस केली. तसेच, घडलेल्या धक्कादायक घटनेचा तपास करुन आरोपींच्या विरोधात कठोर कारवाई करावी, अशी मागणीदेखील मुख्यमंत्री एकनाथ शिंदे आणि उपमुख्यमंत्री, गृहमंत्री देवेंद्र फडणवीस यांच्याकडे केली आहे.