मुंबई | अमरनाथमधील पवित्र गुहा परिसरात शुक्रवारी (8 जुलै) ढगफुटी झाल्याची घटना घडली. ढगभुटी झालेल्या भागामध्ये अनेक भाविक अडकले होते. ही घटना घडल्यानंतर लगेचच बचावकार्यास सुरवात करण्यात आली. या घटनेदरम्यानचा व्हिडीओ देखील सोशल मीडियावर व्हायरल होत आहे. काल झालेल्या या घटनेमध्ये काही लोकांना आपला जीव गमवावा लागला. तसंच सोशल मीडियाद्वारे अनेकांनी दुःख व्यक्त करण्यास सुरुवात केली. यामध्ये अभिनेता अक्षय कुमारने देखील दु:ख व्यक्त केलं आहे.
अभिनेता अक्षय कुमारने यासंदर्भातलं एक ट्विट केलं आहे. अक्षयने ट्विट करत म्हटलं आहे की, “अमरनाथ मंदिराच्या पवित्र गुहेजवळील बालटाल येथे ढगफुटीमुळे जीवितहानी झाली. हे ऐकून फारच दुःख झालं. सर्वांच्या शांती आणि सुरक्षिततेसाठी प्रार्थना करतो.” अक्षयने याबाबत ट्विट करत दुःख व्यक्त केलं आहे.
दरम्यान, अमरनाथ गुहेच्या परिसरात शुक्रवारी संध्याकाळी 5.30 वाजता ढगफुटी झाली. मिळालेल्या माहितीनुसार पर्वतांमधून जोरदार हवा तसंच पावसामुळे भाविकांचे 25 टेंट वाहून गेले होते. तर पावसामुळे येथील परिसरात पाणी साचले होते. शुक्रवारी रात्री मिळालेल्या वृत्तानुसार, मृतांची संख्या 15 वर पोहोचली होती.