मुंबई | Aditya Thackeray On Dasara Melava 2022 – यंदाचा दसरा मेळावा शिवसेना पक्षप्रमुख उद्धव ठाकरे यांच्या नेतृत्वात होणार की मुख्यमंत्री एकनाथ शिंदे यांच्या नेतृत्वात होणार असा प्रश्न निर्माण झाला आहे. तसंच शिवसेनेनं दसरा मेळाव्यासाठी मुंबई महापालिकेकडून परवानगी मागितली आहे. मात्र पालिकेकडून याला परवानगी देण्यात आलेली नाही. म्हणून शिंदे गटाकडून शिवसेनेचा पारंपरिक दसरा मेळावा हायजॅक करण्याचा प्रयत्न सुरु आहे का? अशी चर्चा साध्य राजकीय वर्तुळात सुरू आहे. यावरच आता शिवसेना आमदार आदित्य ठाकरे यांनी प्रतिक्रिया दिली आहे. ते म्हणाले की, ”दसरा मेळावा शिवसेनेचा असतो आणि शिवसेनेचाच राहणार, जनता देखील हे बघत आहे.”
“मेळाव्याच्या परवानगीसाठी आम्ही सतत प्रयत्न करतोय. पण तुम्हाला माहित आहे जे गद्दार सरकार आले आहे, ते दडपशाहीचं सरकार आहे. मुंबईत मनपात बदल्यांचं सरकार झालं आहे. त्यांनी परवानगी दिलेली नाही. शिवतीर्थावर शिवसेनेचाच दसरा मेळावा होतं आला आहे. जनता देखील हे बघत आली आहे. गद्दार हे खोके सरकार पुढे नेत आहे. खोके सरकारच्या मागे कोण होतं, ते आता पुढे यायला लागलंय”, असं आदित्य ठाकरे म्हणाले.
पुढे ते म्हणाले, दसरा मेळाव्याच्या परवानगीसाठी आम्ही अर्ज देतोय. पण तो अर्ज कुणी स्वीकारत नाही. हे सरकार दडपशाहीचं सरकार आहे. ओरिजनल शिवसेना कुणाची हे तुम्हाला माहित आहे. जनता आमच्या सोबत आहे आणि सोबत राहणार.