सोलापूर : राज ठाकरे यांनी काही दिवसांपूर्वी अजित पवारांना केंद्रीय तपास यंत्रणाची नोटीस येते पण सुप्रिया सुळेंना का नाही येत?, असा सवाल उपस्थित केला होता. आता खा. सुप्रिया सुळेंचे पती सदानंद सुळे यांना आयकर विभागाची नोटीस आल्याचा गौप्यस्फोट स्वतः सुप्रिया सुळे यांनी केला आहे. सोलापुरात पत्रकारांशी बोलताना सुप्रिया सुळे यांनी हा गौप्यस्फोट केला आहे.
यावेळी सुप्रिया सुळे म्हणाल्या, “माझ्या नवऱ्याला इन्कम टॅक्सची नोटीस आली आहे. केंद्र सरकारच्या विरोधात तीन भाषणं केल्यानंतर हे घडलं. ज्या दिवशी तिसरं भाषण केलं त्याच दिवशी संध्याकाळी चार वाजता माझ्या नवऱ्याला इन्कम टॅक्सची नोटीस आली.” सुप्रिया सुळे पत्रकारांशी संवाद साधत होत्या. त्यावेळी त्यांनी ही माहिती दिली आहे.
अजित पवारांच्या घरी कधीच रेड पडली नाही, कदाचित लोकांना चुकीची माहिती दिली गेली असेल असंही सुप्रिया सुळे म्हणाल्या आहेत.