मुंबई : (Bhola New Films Ajay Devgan And Salman Khan) बॉलिवूडचा सिंघम अजय देवगणचा ‘दृश्यम २’ हा चित्रपट सध्या चित्रपटगृहात धुमाकूळ घालत आहे. या चित्रपटाची यशस्वी घोडदौड सुरू असतानाच अजयने त्याच्या आणखीन एका आगामी चित्रपटाची पहिली झलक प्रेक्षकांसमोर आणली आहे. अजयच्या ‘भोला’ या चित्रपटाचा टीझर आज प्रदर्शित झाला आहे. या चित्रपटाच्या टीझरने सगळ्यांचंच लक्ष वेधलं आहे.
‘भोला’ चित्रपटाच्या टीझरनंतर आता एक मोठी बातमी समोर आली आहे. या चित्रपटाच्या नंतर अजय देवगण याचा पुढील भाग आणणार आहे. महत्त्वाचं म्हणजे या भागात भाईजान अर्थात सलमान खान दिसणार आहे. अजय देवगण सलमान खान चांगले मित्र आहेत. याआधी ते ‘सन ऑफ सरदार’ चित्रपटात दोघे एकत्र दिसले होते. अजय त्या चित्रपटात मुख्य भूमिकेत होता तर सलमान खान पाहुणा कलाकार म्हणून दिसला होता.
अजय देवगण ‘दृश्यम २’ प्रमाणेच त्याच्या ‘भोला’ या चित्रपटसाठीही चर्चेत होता. हा चित्रपट त्याने स्वतः दिग्दर्शित केला आहे. यात त्याच्याबरोबर प्रमुख भूमिकेत अभिनेत्री तब्बू काम करताना दिसणार आहे. यापूर्वी या दोघांनी या चित्रपटाच्या चित्रीकरणादरम्यानचे अनेक फोटो सोशल मीडियावर पोस्ट केले होते.