मुंबई : शिंदे गटाचे सांगोला (Sangola) मतदारसंघाचे आमदार शहाजीबापू पाटील (Shahajibapu Patil Convey Accident) यांच्या ताफ्यातील पोलीसांच्या गाडीचा भीषण अपघात झाला आहे. (Shahajibapu Patil Convey Accident) या अपघातात एका दुचाकीस्वाराचा जागीच मृत्यू झाला आहे. तर एकजण गंभीर जखमी आहे. ही घटना सांगोला तालुक्यातील माळवाडी नाझरा (Malwadi Nazara Sangola) येथे झाल्याची माहिती आहे. आज (गुरुवार) दुपारी साडेचारच्या सुमारास हा अपघात झाला.
या अपघातात शहाजी पाटलांच्या ताफ्यातील (Shahajibapu Patil Convey Accident) कुणालाही इजा झाली नाही. अपघात झालेल्या ताफ्यातील पोलिसांच्या गाडीचा क्रमांक एमएच १४, डी एम ९४४० असा आहे. मुख्यमंत्री एकनाथ शिंदे त्यांच्या वाढदिवसानिमित्त आयोजित एका आरोग्य शिबिराला शहाजीबापू पाटील भेट देण्यासाठी गेलेले होते. कार्यक्रमाहून सांगोल्याकडे परतताना त्यांच्या संरक्षणार्थ समोर असलेल्या पोलिसांच्या चार्चाकीला एक दुचाकी धडकली. यात दुचाकीवरील एकाचा जागीच मृत्यू झाला तर, एकजण गंभीर जखमी झाला आहे. त्याची देखिलो प्रकृती चिंताजनक आहे.