फलटण | Jaykumar Gore Accident – भाजपचे आमदार जयकुमार गोरे (BJP MLA Jaykumar Gore) यांच्या गाडीला भीषण अपघात झाल्याची माहिती समोर आली आहे. साताऱ्यातील फलटण येथे जयकुमार गोरेंच्या गाडीला अपघात झाला आहे (Jaykumar Gore Car Accident). बानगंगा नदीच्या पुलावरून गोरेंची गाडी सुमारे 50 फूट खोल दरीत कोसळली. चालकाचं गाडीवरील नियंत्रण सुटल्यानं हा भीषण अपघात झाला आहे.
साताऱ्यातील मान खटाव मतदार संघाचे भाजप आमदार जयकुमार गोरे मुंबईवरून आपल्या निवासस्थानी रवाना होत असताना त्यांच्या गाडीला अपघात (Accident) झाला आहे. साताऱ्यातील फलटणजवळ त्यांच्या गाडीला अपघात झाला असून गाडी तब्बल 50 फूट दरीत कोसळली. या अपघातात जयकुमार गोरे गंभीर जखमी झाले आहेत. तर त्यांच्यासोबत इतर तिघाजणांना गंभीर दुखापत झाली आहे.
जयकुमार गोरे यांच्यासोबत त्यांचे कॉन्सटेबल, पीए आणि काही कार्यकर्ते गाडीत होते. अपघातात या तिघांनाही गंभीर दुखापत झाली आहे. तसंच अपघाताची माहिती मिळताच तात्काळ बचावकार्य सुरू करण्यात आलं. जयकुमार गोरे यांच्यासह गाडीत असलेल्या सर्वांना उपचारासाठी तात्काळ पुण्यातील रूग्णालयात दाखल करण्यात आलं आहे.
पुण्यातील रुबी रुग्णालयात जयकुमार गोरे यांच्यावर उपचार सुरू आहेत. तसंच प्राथमिक माहितीनुसार, जयकुमार गोरेंसह इतर तिघांची प्रकृती स्थिर आहे. मात्र, त्यांना गंभीर दुखापत झाली आहे.
View Comments (0)