मुंबई : (Chitra Wagh On Nana Patele Tweet) भाजप नेत्या चित्रा वाघ यांनी नाना पटोले यांनी एक अक्षेपार्ह व्हिडीओ पोस्ट केला आहे. या तथाकथित व्हिडीओ मध्ये महाराष्ट्र कॉंग्रेसचे प्रदेशाध्यक्ष नाना पटोले हे एका महिलेसोबत बसलेले दिसत आहेत. त्यांनी या व्हिडीओमध्ये दिलेल्या कॅप्शनमध्ये वाघ यांनी, “काय नाना…..तुम्ही पण झाडी डोंगार आणि हाटीलीतं…” असा टोला त्यांना लगावला आहे.
या ट्वीटमध्ये चित्रा वाघ यांनी नाना पटोले यांना टॅग केले आहे. मात्र, हा व्हिडीओ कोणाचा आहे, तसेच कधीचा आहे याबाबत अधिक माहिती समोर आलेली नाही. मात्र, सोशल मिडीयावर नाना पटोले यांचा व्हिडीओ म्हणून हा मोठ्या प्रमाणात व्हायरल होत आहे.
लोकप्रतिनिधींनी सार्वजनिक जीवनात वावरत असताना काळजी घ्यायला हवी. नाना पटोले यांचा व्हिडीओ पाहून मला धक्का बसला. माझ्याकडे तो व्हिडीओ आल्यावर मी प्रश्न उपस्थित केला. तसेच राज्यात काही घडलं की आम्हाला प्रश्न विचारण्यात येतो. मग मीही नानांना पटोलेंना प्रश्न विचारल्याचं चित्रा वाघ यांनी पत्रकार परिषदेत म्हटलं.