पुणे : भारतीय क्रिकेट संघातील खेळाडू केदार जाधव याचे वडील महादेव जाधव हे पुण्यातून बेपत्ता झाले आहेत. पुणे पोलिसांत ते हरवल्याची तक्रार दाखल झाली आहे. जाधव कुटुंबियांनी ही तक्रार दिली आहे.
पोलिसांनी दिलेल्या माहितीनुसार, केदार जाधव याचे वडील महादेव जाधव हे पुण्यातून बेपत्ता झाले आहेत. पुण्यातील कोथरूड भागातून आज (सोमवार) सकाळी ११.३० वाजण्याच्या सुमारास ते घराबाहेर पडले होते, मात्र ते अद्याप घरी परतलेले नाहीत.
मिळालेल्या माहितीनुसार, केदार जाधव याचे कुटुंबीय कोथरूड भागात राहतात. त्यांच्याजवळ असलेला मोबाईल फोनही बंद लागत आहे. त्यांचा काहीच संपर्क होऊ न शकल्यानं कुटुंबियांनी ते बेपत्ता असल्याची तक्रार पोलिसांत दिली आहे.