टोकियो | Japan Former PM Shinzo Abe – जपानचे माजी पंतप्रधान शिंजो आबे यांच्यावर प्राणघातक हल्ला करण्यात आल्याची माहिती समोर आली होती. शिंजो आबे यांच्यावर गोळीबार करण्यात आला होता. त्यानंतर त्यांना उपचारासाठी रुग्णालायत दाखल करण्यात आलं होतं. मात्र उपचारादरम्यान त्यांचा मृत्यू झाला आहे.
शिंजो आबे हे नारा शहरातील एका रस्त्यावर भाषण करत असताना त्यांच्यावर हल्ला झाला. ही घटना शुक्रवारी सकाळी घडली. दरम्यान या हल्ल्यावेळी बंदुकीच्या गोळीसारखा आवाज ऐकू आला आणि घटनास्थळी एका संशयिताला ताब्यात घेण्यात आले, असं एनएचकेने सांगितलं. घटनास्थळावरील एनएचकेच्या पत्रकाराने सांगितलं की, आबे यांच्या भाषणादरम्यान त्यांना सलग दोन गोळ्यांचे आवाज ऐकू आले आहेत.
आबे यांना गोळी लागल्याने हृदयविकाराचा झटका आल्याचं सांगितले जात आहे. घटनास्थळावरील एका व्यक्तीने सांगितलं की त्याने बंदुकीच्या गोळ्या ऐकल्या आणि आबे यांना रक्तस्त्राव होत असल्याचं पाहिलं. गोळी लागल्याने ते बेशुद्ध झाल्याचं सांगण्यात आलं. तसंच त्यांना तातडीने रुग्णालयात नेण्यात आलं होतं. मात्र त्यांना उपचारादरम्यान अखेरचा श्वास घेतला. दरम्यान, पोलिसांनी गोळीबार करणाऱ्या दोन हल्लेखोरांना अटक केली आहे.