हैद्राबाद : (Harry Brook Century Girlfriend Lucy Lyles Reaction) आयपीएल 2023 च्या 17 व्या हंगामातील सामन्यात आता चांगलीच रंगत आली आहे. काल पार पडलेल्या सामन्यात हैदराबादने (SRH) कोलकाताचा (KKR) दारून पराभव केला. हैदराबाद (SRH) संघाकडून खेळणारा इंग्लंडचा 24 वर्षीय युवा खेळाडू हॅरी ब्रूकने (Harry Brook) आयपीएल 2023 (IPL 2023) मधील पहिलं शतक झळकावलं. हॅरी ब्रूकने 55 चेंडूत नाबाद 100 धावा केल्या. ब्रूकच्या या शानदार खेळीदरम्यान त्याची (Harry Brook Girlfriend) गर्लंफ्रेड लुसी लाइसही (Lucy Lyles) स्टँडमध्ये उपस्थित होती. त्यामुळे ब्रुकच्या धमाकेदार शतकमागे ‘लेडी लक’ असल्याचा फोटो सोशल मीडियावर व्हायरल होत आहे.
हॅरी ब्रूकचं शतक आणि कर्णधार एडन मार्करमच्या झंझावाती अर्धशतकाच्या जोरावर सनरायझर्स हैदराबादने शुक्रवारी (14 एप्रिल) कोलकाता नाईट रायडर्सवर 23 धावांनी विजय मिळवला. हॅरी ब्रूकच्या दमदार शतकी खेळीनंतर त्याची गर्लफ्रेंड लुसीच्या चेहऱ्यावरचा आनंद स्पष्ट दिसत होता. या सामन्या दरम्यानचे तिचे फोटो सोशल मीडियावर व्हायरल झाले आहेत. हॅरी ब्रूकच्या नाबाद 100 आणि मार्करामच्या 50 धावांच्या जोरावर सनरायझर्स हैदराबादने 4 बाद 228 धावा केल्या. ब्रूकने 55 चेंडूत 12 चौकार आणि तीन षटकार ठोकले.
आयपीएल 2023 (IPL 2023) मोसमातील 19 व्या सामन्यात सनरायझर्स हैदराबाद (SRH) संघाने कोलकाता नाइट रायडर्स (KKR) विरुद्धच्या रोमहर्षक सामन्यात 23 धावांनी विजय मिळवला. या सामन्यात हैदराबादकडून कोलकाता संघाला 229 धावांचं लक्ष्य ठेवण्यात आलं होतं. त्याचा पाठलाग करताना कोलकात्ता संघाला 20 षटकात 7 गडी गमावून 205 धावांपर्यंतच मजल मारता आली.