लखनऊ : (ICC U-19 Women’s World Cup 2023 India Vs England) आज पहिल्या-वहिल्या ICC U-19 महिला T20 विश्वचषक फायनलमध्ये इंग्लंडविरुद्ध भारताचे नेतृत्व करताना शफाली वर्मा इतिहासाचा पाठलाग करेल. असा अंदाज वर्तवण्यात येत होता, आणि भारतीय संघाची त्याच मार्गाने कामगिरी सुरु आहे. भारतीय महिला क्रिकेट संघाने आजपर्यंत कधीही विश्वचषक जिंकलेला नाही, मात्र आता ती संधी चालून आली आहे.
उपांत्य फेरीत भारताच्या गोलंदाजांनी शक्तिशाली न्यूझीलंड संघाला 107 धावांवर रोखलं. आणि त्यानंतर फलंदाजी करत आठ विकेट्सने सामना जिंकला. त्यामुळे भारतीय महिला संघ सध्या चांगल्या स्थितीत दिसत आहे.
चार सामने जिंकून सुपर सिक्स गटात अव्वल स्थान मिळवणाऱ्या बलाढ्य इंग्लंड संघाशी भारताचा सामना होत आहे. नाणेफेक जिंकून भारताने प्रथम गोलंदाजी करण्याचा निर्णय घेतला. फलंदाजीसाठी आलेल्या इंग्लंडचा जवळपास निम्मा संघा भारताच्या भेदक गोलंदाजीवर धारातिर्थी पडला आहे. 9 षटकांत 36 धावांवर 4 बाद अशी नाजूक स्थिती इंग्लंडची पाहायला मिळत आहे.