मुंबई : (CM Uddhav Thackeray On Meeting MLC Election) राज्यात विधान परिषदेच्या निमित्तानं राजकरणाला रंग चढायला सुरवात झाली आहे. त्या पार्श्वभुमिवर राजकिय पक्षांकडून घोडेबाजी रोखण्यासाठी काळजी घेतली जात आहे. राज्यसभेत झालेल्या चुका परत घडू नयेत यासाठी आज मुख्यमंत्री उद्धव ठाकरे यांच्या अध्यक्षतेखाली शिवेसेनेच्या आमदारांची बैठक पार पडली आहे. यावेळी पक्षप्रमुख ठाकरे यांनी फोडाफोडीच्या राजकारणावरून आपल्या आमदारांना कानमंत्र दिला आहे.
दरम्यान, शिवसेनेला पाठिंबा देणाऱ्या अपक्ष उमेदवारांना काँग्रेस, राष्ट्रवादीच्या नेत्यांचे फोन गेल्याचं बोललं जातं आहे. तर शिवसेनेच्या नेत्यांकडून महाविकास आघाडी एकत्र होऊन लढणार असल्याचं सांगितलं जात आहे. मुख्यमंत्री उद्धव ठाकरे यांच्या अध्यक्षतेखाली शिवसेनेकडून आपल्या आमदारांना पवईतल्या रेनीसन्स हॉटेलमध्ये ठेवण्यात येणार आहे.
राज्यसभेची पुनरावृत्ती पुन्हा होवू नये यासाठी पक्षाच्या जेष्ठ नेत्यांकडून आमदारांना योग्य ते मार्गदर्शन आणि सूचना देण्यात आल्या आहेत. तर राऊत म्हणाले की, आमचा अपक्ष आमदारांवर पूर्ण विश्वास आहे. महाविकास आघाडीचे उमेदवार आहेत ते सर्वांचेच आहेत आणि भुयारांवरही आमचा विश्वास आहे, असं राऊत म्हणाले आहेत.