नवी दिल्ली | India vs Pak – बहुचर्चित आणि बहुप्रतिक्षेत असलेला भारत-पाक (India vs Pakistan) हायव्होलटेज सामना मेलबर्न क्रिकेट स्टेडियमवर रंगणार आहे. आशिया कपमध्ये पाकिस्ताकडून भारतीय संघाला दोन सामन्यांत पराभव स्वीकारावा लागला. त्यामुळे भारतीय संघावर आशिया कपमधून बाहेर पडण्याची नामुस्की ओढावली. मात्र याच पराभवाचा वचपा काढण्याची संधी भारतीय संघाला टी-20 विश्वचषकात (T20 World Cup 2022) चालून आली आहे.
किक्रेटमधील कट्टर प्रतिस्पर्धा असणारे भारत आणि पाकिस्तान उद्या (23 ऑक्टोबर) एकमेकांशी भिडणार आहेत. भारतीय वेळेनुसार दुपारी 1.30 वाजता हा सामना सुरू होईल. दोन्ही संघाचा टी-20 विश्वचषक स्पर्धेतील हा पहिला सामना असणार आहे. त्यामुळे या लढतीत कोणता संघ बाजी मारणार? याकडे सर्वांचंच लक्ष लागलं आहे.
टी-20 क्रिकेटमध्ये भारत आणि पाकिस्तान संघ यांच्यात आत्तापर्यंत 11 सामने खेळवले गेले आहेत. यामध्ये भारतानं 11 पैकी 8 सामन्यात विजय मिळवला. तर, पाकिस्तान संघाला 3 सामने जिंकता आले आहेत.