Jai Jai Maharashtra Maza : कृष्णराव गणपतराव साबळे (Krushnarav Ganpatrao Sabale) उर्फ शाहीर साबळे (Shahir Sabale) यांच्या जीवनावर आधारित ‘महाराष्ट्र शाहीर’ (Maharashtra Shahir) हा सिनेमा येत्या 28 एप्रिलला सिनेमागृहात प्रदर्शित होणार आहे. त्याआधी शरद पवार यांच्या हस्ते ‘जय जय महाराष्ट्र माझा’ या गाण्याचे लॉन्चिंग करण्यात आले आहे. या गाण्याच्या लॉन्चिंग कार्यक्रमाला शरद पवार यांच्यासह सिनेमाचे दिग्दर्शक केदार शिंदे, संगीत दिग्दर्शक अजय अतुल यांच्यासह अभिनेता अंकुश चौधरीदेखील उपस्थित होता. या गीताचे लॉन्चिंग राष्ट्रवादी काँग्रेसचे अध्यक्ष शरद पवार (Sharad Pawar) यांच्या हस्ते पार पडले.
‘जय जय महाराष्ट्र माझा’ या गाण्याच्या पुननिर्मितीच्या कार्यक्रमादम्यान केदार शिंदे (Kedar Shinde) म्हणाले,”जय जय महाराष्ट्र माझा’ या गाण्यात मराठी मनोरंजनसृष्टीतील सर्व पिढीतील कलावंतांनी काम केले आहे, याचा मला आनंद आहे. नव्या पिढीतील कलावंतांना शाहीर सांबळेंबद्दल (Shahir Sable) काहीतरी वाटत आहे ही माझ्यासाठी आनंददायी गोष्ट आहे. या गाण्याचं शूटिंग करणे खूप कठीण होते. पण ‘महाराष्ट्र गीत’ नव्या पिढीपर्यंत पोहोचणं खूप गरजेचं आहे आणि हीच शाहीर साबळेंना खरी मानवंदना ठरेल,” ते पुढे म्हणाले,”महाराष्ट्र शाहीर’ या सिनेमाची निर्मिती करताना माहितीपटापेक्षा व्यावसायिक सिनेमा बनवण्यावर भर होता. मनोरंजन करता करता शाहीर साबळेंच्या जीवनाची गोष्ट सांगण्याचा प्रयत्न करण्यात आला आहे. शाहीर साबळेंच्या वयाच्या 60 व्या वर्षापर्यंतचा प्रवास या सिनेमाच्या माध्यमातून उलगडण्यात येणार आहे”.