मधुरा देशपांडे दिसणार रुपेरी पडद्यावर, ‘शुभविवाह’ मालिकेतून तीन वर्षानंतर प्रक्षेकांच्या भेटीला…

मुंबई : (Madhura Deshpande new serial Shubhavivah) स्टार प्रवाह (Star Pravah) जी मालिका येईल तिला रसिक प्रेक्षकांकडून नेहमीच भरभरुन प्रेम मिळत आहे. नव्या वर्षात नव्या मालिकेची भेट प्रेक्षकांना देण्यासाठी स्टार प्रवाह वाहिनी सज्ज आहे. 16 जानेवारी पासून स्टार प्रवाहवर ‘शुभविवाह’ (Shubhvivah) नवी मालिका झळकणार आहे. सुप्रसिद्ध अभिनेत्री मधुरा देशपांडे (Madhura Deshpande) ही मालिकेतून पुन्हा एकदा दमदार आगमन करणार आहे. तीन वर्षांनंतर ती मालिका विश्वात पुनरागमन करणार आहे. बहिणीच्या स्वप्नासाठी आपलं आयुष्य पणाला लावणाऱ्या भूमीच्या त्यागाची गोष्ट म्हणजे शुभविवाह ही मालिका.

भूमी या व्यक्तिरेखेविषयी सांगताना मधुरा म्हणाली, ‘तीन वर्षांच्या गॅपनंतर मी मालिकेत काम करत आहे. स्टार प्रवाह वाहिनीसोबत पुन्हा एकदा काम करताना अतिशय आनंद होत आहे. भूमी हे पात्र साकारणं माझ्यासाठी नवं आव्हान आहे. कारण भूमीसारखी इतका पराकोटीचा त्याग करणारी व्यक्तिरेखा मी पहिल्यांदाच साकारत असल्याचे तिने म्हटलं आहे.

कुटुंबावर भरभरुन प्रेम करणारी भूमी कुटुंबाच्या सुखासाठी काहीही करु शकते. भूमीचे नवनवे पैलू मला दररोज उलगडत आहेत. त्यामुळे शुभविवाहच्या निमित्ताने एक छान कुटुंब प्रेक्षकांच्या भेटीला येईल अशी भावना मधुरा देशपांडेने व्यक्त केली.’ त्यामुळे मधुरा देशपांडेला देखील नव्या भुमीकेत पाहाण्यासाठी प्रेक्षकांना अतुरता लागली आहे.