बॉलिवूड अभिनेत्री स्वरा भास्कर (Swara Bhaskar) नेहमीच तिच्या वक्तव्यांमुळे चर्चेत असते. स्वरा भास्कर अनेकदा तिच्या ट्विटर हँडलवर अनेक मुद्द्यांवर आपले मत व्यक्त करत असते. यावेळी स्वराने महात्मा गांधींच्या पुण्यतिथीनिमित्त ट्विटरवर एक पोस्ट शेअर केली आहे. मात्र यामुळे तिला आता ट्रोलिंगचा सामना करावा लागत आहे.
स्वरा भास्कर नुकतंच महात्मा गांधी पुण्यतिथीनिमित्ताने ट्विटरवर एक ट्वीट केले होते. या ट्वीटमध्ये तिने “गांधी आम्हाला लाज वाटतेय, कारण तुमचे मारेकरी अजूनही जिवंत आहेत” असे म्हटले होते. याबरोबर तिने हॅशटॅग देताना गांधी जयंती आणि गांधीजी असे म्हटले होते आणि यामुळेच तिला ट्रोलिंगचा सामना करावा लागला आहे.
स्वरा भास्करने हे ट्वीट साधारण 11 च्या दरम्यान केले होते. त्यानंतर मात्र तिला तिची चूक लक्षात आल्यावर तिने ते ट्वीट लगेचच डिलीट केले. मात्र काही नेटकऱ्यांनी जुन्या ट्वीटचा स्क्रीनशॉट काढत तिला ट्रोल केले आहे.
“तुझी नशा उतरली का?” असा प्रश्न एका नेटकऱ्याने तिला विचारला आहे. तर एकाने “पुण्यतिथीला जयंती सांगत तुम्ही तर गांधींनाच मारुन टाकलात?” असे देखील म्हटले आहे.
त्यानंतर स्वरा भास्करने 11 वाजता 51 मिनिटांनी पुन्हा नवे ट्वीट शेअर केले. त्यात तिने गांधी आम्हाला लाज वाटतेय, कारण तुमचे मारेकरी अजूनही जिवंत आहेत, असे म्हटले आहे. त्याबरोबर तिची चूक सुधारत गांधी पुण्यतिथी, गांधीजी असा हॅशटॅगही शेअर केला आहे.