Me Honar Superstar Chhote Ustaad 2 : प्रत्येक प्रतिभावान कलाकाराला त्याच्या कलेसाठी एक हक्काचे व्यासपीठ हवे असते. ज्याद्वारे तो त्याची कला लोकांपर्यंत पोहोचवू शकतो. गायनाचे स्वप्न उराशी बाळगणाऱ्या महाराष्ट्रातील स्पर्धकांसाठी असाच एक मंच उभारला तो छोट्या पडद्यावरील ‘मी होणार सुपरस्टार-छोटे उस्ताद’ या कार्यक्रमाने. आता या कार्यक्रमाचा दुसरा सिझन प्रेक्षकांच्या भेटीस येणार आहे. नुकताच ‘मी होणार सुपरस्टार-छोटे उस्ताद 2’ (Me Honar Superstar Chhote Ustaad 2) या गाण्याच्या कार्यक्रमाचा प्रोमो सोशल मीडियावर शेअर करण्यात आला आहे.
‘मी होणार सुपरस्टार-छोटे उस्ताद 2’ या गाण्याच्या कार्यक्रमाच्या प्रोमोमध्ये दित आहे की, तू चाल पुढं हे गाणं 10 वर्षाचा संकल्प काळे गात आहे. संकल्प हा जालना येथील आहे. प्रोमोमध्ये पुढे दिसते की, संकल्प हा सचिन पिळगावकर (Sachin Pilgaonkar), आदर्श शिंदे (Adarsh Shinde) आणि वैशाली सामंत (Vaishali Samant) यांच्यासमोर गाणं गातो. त्यानंतर सचिन पिळगावकर, आदर्श शिंदे आणि वैशाली सामंत हे ‘मी होणार सुपरस्टार-छोटे उस्ताद 2’ बाबत सांगतात. हा प्रोमो सध्या सोशल मीडियावर व्हायरल झाला आहे.
‘मी होणार सुपरस्टार-छोटे उस्ताद 2’ हा कार्यक्रम 10 जूनपासून प्रेक्षकांच्या भेटीस येणार आहे. हा कार्यक्रम शनिवार ते रविवार रात्री 9 वाजता प्रेक्षक पाहू शकणार आहेत. आता ‘मी होणार सुपरस्टार-छोटे उस्ताद 2’ या कार्यक्रमात कोण-कोणते स्पर्धक सहभागी होणार आहेत? या कार्यक्रमाचं सूत्रसंचालन कोण करणार आहे? या प्रश्नांची उत्तर लवकरच प्रेक्षकांना मिळणार आहेत. ‘मी होणार सुपरस्टार-छोटे उस्ताद 2’ या कार्यक्रमाचा प्रोमो पाहिल्यानंतर लक्षात येते की, सचिन पिळगावकर, आदर्श शिंदे आणि वैशाली सामंत हे या कार्यक्रमाचे परीक्षण करणार आहेत. या ‘मी होणार सुपरस्टार-छोटे उस्ताद-2’ या कार्यक्रमाची प्रेक्षक उत्सुकतेने वाट बघत आहेत.