पुणे | शहरात (Pune Crime) गुन्हेगारीचे प्रमाण अधिक वाढताना दिसत आहे. अशातच पुण्यातील मार्केट यार्ड परिसरातून एक बातमी समोर आली आहे. मार्केट यार्ड भागात पिस्तूल बाळगणाऱ्या गुंडाला पोलिसांनी पकडले. त्याच्याकडून देशी बनावटीचे पिस्तूल आणि पाच काडतुसे जप्त करण्यात आली. सागर बबन पारिटे (वय ३५) याला अटक करण्यात आलेल्याचे नाव आहे.
मार्केट यार्डमधील फळभाजी बाजार परिसरात एक जण थांबला असून त्याच्याकडे पिस्तूल असल्याची माहिती मार्केट यार्ड पोलीस ठाण्यातील पोलीस कर्मचारी मिळाली. पोलिसांच्या पथकाने सापळा लावून आरोपीला पकडले. त्याच्याकडून देशी बनावटीचे एक पिस्तूल आणि पाच काडतुसे जप्त करण्यात आली. पोलीस उपायुक्त विक्रांत देशमुख, सहायक आयुक्त पौर्णिमा तावरे यांच्या मार्गदर्शनाखाली वरिष्ठ पोलीस निरीक्षक अनघा देशपांडे, गुन्हे शाखेच्या निरीक्षक सविता ढमढेरे, सहायक निरीक्षक मदन कांबळे, उपनिरीक्षक शिंदे, पराळे, दीपक मोधे, आशिष यादव, लोणकर आदींनी ही कारवाई केली.