पिंपरी : पुणे जिल्हा मध्यवर्ती सहकारी बँक शेतकर्यांना शेतीबरोबरच शेतीपूरक व्यवसायाला भरीव अर्थसाहाय्य करणार आहे. पोल्ट्री व्यवसायात असणार्या शेतकर्यांनी या संधीचा फायदा घेऊन नवीन तंत्रज्ञान वापरून स्वतःचा पोल्ट्री व्यवसाय करावा, असे आवाहन जिल्हा बँकेचे संचालक माऊली दाभाडे यांनी केले.
मावळ तालुका पोल्ट्री संघटनेने वडगाव मावळ येथील बँकेच्या सभागृहात आयोजित केलेल्या बँक अर्थसाहाय्य मेळाव्यात दाभाडे बोलत होते. यावेळी उद्योजक बबनराव भोंगाडे, संघटक सोनबा गोपाळे गुरुजी, संघटना अध्यक्ष एकनाथ गाडे, कार्याध्यक्ष सुभाष केदारी, सचिन आवटे, संभाजी शिंदे, एकनाथ पोटफोडे, समीर दाभाडे, एकनाथ वाडेकर, संभाजी केदारी, महेश कुडले, सोमनाथ राक्षे, बाबाजी पाठारे, संदीप मालपोटे, संतोष घारे, दत्तात्रय तिकोने आदी पोल्ट्री व्यावसायिक उपस्थित होते.
पोल्ट्री व्यावसायिकांकरिता बँक पक्षी, खाद्य, औषधे खरेदी करण्यासाठी व व्यवस्थापन यासाठी मध्यम मुदतीचा कर्जपुरवठा करणार आहे. शेतकर्यांनी या कर्जातून स्वतःच पोल्ट्री व्यवसाय करून खुल्या बाजारपेठेत उतरावे, असे आवाहन दाभाडे यांनी यावेळी केले. तसेच शेतकर्यांनी स्वयंचलित पोल्ट्री सुरू करावी.
पुणे जिल्हा मध्यवर्ती सहकारी बँकेचे मावळ विभाग प्रमुख गुलाबराव खांदवे यांनी या बैठकीचे आयोजन केले होते. तर प्रास्ताविक पोल्ट्री संघटक सोनबा गोपाळे गुरुजी यांनी केले. याशिवाय समीर दाभाडे, एकनाथ वाडेकर यांनी विशेष मार्गदर्शन केले.
पोल्ट्री व्यवसायालाही मिळणार मदत
– सध्या जे पोल्ट्री व्यावसायिक पोल्ट्री व्यवसाय करीत आहेत, त्यांच्याकरिता बँक त्यांना पक्षी, खाद्य, औषधे खरेदी करण्यासाठी व व्यवस्थापन यासाठी मध्यम मुदतीचा कर्जपुरवठा करणार आहेत. शेतकर्यांनी या कर्जातून स्वतःच पोल्ट्री व्यवसाय करून खुल्या बाजारपेठेत उतरावे, असे आवाहन दाभाडे यांनी यावेळी केले. तसेच शेतकर्यांनी स्वयंचलित पोल्ट्री सुरू करावी.