रणबीरनं दिलं आलियाला ‘हे’ खास सरप्राईज, व्हिडीओ होतोय व्हायरल

मुंबई | Ranbir Gave A Special Surprise To Alia – काही दिवसांपूर्वीच अभिनेत्री आलिया भट्टनं आपण प्रेग्नंट असल्याचं सांगितलं होतं. याचा एक फोटो देखील तिने इन्स्टाग्राम अकाऊंटवर शेअर केला होता. तेव्हापासून आलियाबाबत बी-टाउनमध्ये विविध चर्चा रंगू लागल्या आहेत. तसंच ‘हार्ट ऑफ स्टोन’ या हॉलिवूड चित्रपटाच्या चित्रीकरणासाठी आलिया काही दिवसांसाठी परदेशात होती. आता या चित्रपटाचं चित्रीकरण पूर्ण करत ती भारतात परतली आहे. यावेळी तिला रणबीरने खास सरप्राईज दिलं आहे. त्याचाच एक व्हिडीओ सध्या सोशल मीडियावर प्रचंड व्हायरल होत आहे.

आलिया बऱ्याच दिवसांनी भारतात आली आहे. गरोदरपणामधील तिचा लूक पाहण्यासाठी सगळेच उत्सुक होते. आलिया मुंबई विमानतळावर पोहोचताच तिला पाहण्यासाठी अनेकांनी गर्दी केली होती. पण यादरम्यान आलियाला एक वेगळंच सरप्राईज मिळालं.

आलियाला मुंबई विमानतळावर छायाचित्रकारांनी घेरलं होतं. यावेळी आलियाला अनेकजण शुभेच्छा देखील देत होते. यादरम्यान आलिया आपल्या गाडीच्या दिशेने जात होती. पापाराझी छायाचित्रकारांनी आलियाला रणबीर तुला घ्यायला आला असल्याचं सांगितलं. हे ऐकताच गाडीच्या दिशेने ती लगबगीने जाताना दिसली. रणबीरला पाहताच आलियाचा आनंद गगनात मावेनासा झाला होता. तसंच खूप दिवसांनी नवऱ्याला भेटताच बेबी म्हणून आलियाने त्याला मोठ्या आवाजात हाक मारली. इतकंच नव्हे तर रणबीरला घट्ट मिठी देखील मारली. रणबीर आपल्यासाठी येणार आहे याची आलियाला कल्पना नव्हती. पण रणबीरचं हे सरप्राईज पाहून आलियाला अगदी आनंद झाला.