पुणे : महाराष्ट्र संघाने मुलींच्या गटात छत्तीसगडला तर मुलांच्या गटात मध्य प्रदेश संघाला पराभूत करून तिसऱ्या फेडरेशन चषक रोलबॉल स्पर्धेत अंतिम फेरीता प्रवेश केला. अंतिम फेरीत मुलांसमोर उत्तर प्रदेश संघाचे तर मुलींसमोर झारखंड व राज्यस्थान यांच्या लढतीतील विजेत्याचे आव्हान असणार आहे.
महाराष्ट्र रोलबॉल संघटनेच्या वतीने जिल्हा रोलबॉल संघटनेच्या मैदानावर सुरु असलेल्या स्पर्धेच्या उपांत्य फेरीत महाराष्ट्र संघाने मध्य प्रदेश संघाला १४-५ असे पराभूत करताना अंतिम फेरीत प्रवेश केला. मध्यंतराला महाराष्ट्र संघाने १०-२ अशी निर्णायक आघाडी घेतली होती. अथर्व धायगुडेने ४ (१.४०, १२.५६, ४२.५५, ४४.१५ मिनिटे), मधुसुधन रत्नपारखीने ३ (५.२५, १०.४५, १४.०८ मिनिटे), प्रथमेश कित्तुरे (६.३०, १०.०५ मिनिटे) , आदित्य गणेशवाडे (९.१०, २३.३५ मिनिटे) व अमितेश बोधडेने (१९.०२, ३०.१० मिनिटे ) २, निलेश शिंदेने (२०.१५ मिनिटे) एक गोल केला. मध्य प्रदेश संघाकडून गुरुवचन सिंगने (३२.३०, ३४.४२ मिनिटे) २ तर आदित्य राणावत (१६.०५ मिनिटे), आदित्य अवस्थी (१७.४० मिनिटे), जला सिसोदिया (३९.१९ मिनिटे) यांनी प्रत्येकी १ गोल करताना लढत देण्याचा प्रयत्न केला.
मुलींच्या गटाच्या पहिल्या उपांत्य फेरीत महाराष्ट्र संघाने छत्तीसगड संघाला ९-२ असे एकतर्फी पराभूत केले. मध्यंतराला महाराष्ट्र संघाने ६-२ अशी आघाडी घेतली. महाराष्ट्र संघाकडून महेक राउतने ५ (१०.२८, १४.१०, १९.३८, २३.३५, ४५.२५मिनिटे), सुहानी सिंगने २ (१.५३, ३१.५५ मिनिटे), श्रुती भगत (२२.२५ मिनिटे), अंजली कपूर (४१.१४ मिनिटे) यांनी प्रत्येकी १ गोल केला. छत्तीसगड संघाकडून परमदीप कौर (१५.१५ मिनिटे) व इशा साहू (२१.५८ मिनिटे) यांनी प्रत्येकी एक गोल केला.
तत्पूर्वी, साखळी लढतीमध्ये मुलांच्या गटातील लढतीमध्ये महाराष्ट्र संघाने उत्तर प्रदेश संघाला ३-२ असे पराभूत केले. मुलींच्या गटातील साखळी लढतीमध्ये महाराष्ट्र संघाने झारखंड संघाला ४-० अशी एकतर्फी मात दिली.