सांगली | Vishwajeet Kadam On Sanjay Raut – विधानसभा निवडणुका झाल्यानंतर आम्ही सत्तेत येऊ असं वाटलं नव्हतं. पण बरं झालं, शिवसेना नेते संजय राऊत यांच्या अंगात आलं अन् तीन पक्षांचं महाविकास आघाडीचं सरकार आलं, असं म्हणत काँग्रेस नेते, कृषी राज्यमंत्री विश्वजीत कदम यांनी सत्ता स्थापनेवेळीचा किस्सा सांगितला आहे. विश्वजीत कदम यांच्या हस्ते पलूस तालुक्यातील आमणापूर येथे विविध विकास कामांचं उद्घाटन झालं, त्यावेळी ते बोलत होते.
राज्यमंत्री डाॅ. विश्वजीत कदम यांनी आपल्या व्यग्र कार्यक्रमातून उशीरा का होईना, पण मंगळवारी रात्री आमणापूर गावातील विविध विकासकामांसाठी तब्बल अडीच तास वेळ दिला. यावेळी आमणापूर ग्रामस्थांना संबोधित करताना त्यांनी सत्ता स्थापनेचा किस्सा सांगितला.
खासदार संजय राऊत यांच्या अंगात आलं आणि महाविकास आघाडी सरकार सत्तेवर आले असं म्हणत राज्यमंत्री विश्वजीत कदम यांनी महाविकास आघाडी सत्तास्थापनेचे गुपित उलघडले आहे. राज्यमंत्री डॉ. विश्वजीत कदम यांनी मंगळवारी रात्री आमणापूर गावातील विविध विकासकामांचे उद्घाटन केले. त्यावेळी त्यांनी तब्बल अडीच तास वेळ दिला. बोरजाईनगर, श्रीराम मळा, विठ्ठलवाडी, अनुगडेवाडी आमणापूर येथील विविध विकासकामांचे उद्घाटन राज्यमंत्री डॉ. कदम यांनी केले.
आम्ही निवडून आलो, विरोधी बाकांवर बसावे लागणार होते. मात्र खासदर संजय राऊत यांच्या अंगात आले. एकत्र येणारच नाहीत असे पक्ष एकत्र आले, आणि राज्याची सत्ता महाविकास आघाडीच्या हाती आली असं देखील विश्वजीत कदम म्हणाले.