मुंबई | Shahajibapu Patil On Ajit Pawar – शिंदे गटाचे (Shinde Group) आमदार शहाजीबापू पाटील (Shahajibapu Patil) यांनी विरोधी पक्षनेते अजित पवार (Ajit Pawar) यांच्यावर निशाणा साधला आहे. अजितदादांना पहाटे जाऊन शपथ घ्यायची सवय लागली आहे. त्यामुळं पहाटे जाऊन शपथ घेतल्यावर सरकार पडेल असं त्यांना वाटतंय. पण दादा पुढचे 15 वर्षे तुम्ही निवांत राहा असा खोचक टोला शहाजीबापू पाटील यांनी अजित पवार यांना लगावला आहे. अधिकाऱ्यांवर दबाव तंत्र वापरायची पवार फॅमिलीची जुनी सवय असल्याचंही पाटील म्हणाले.
दसरा मेळाव्याच्या मुद्यावरून शहाजीबापू पाटील यांनी शिवसेना पक्षप्रमुख उद्धव ठाकरेंना (Uddhav Thackeray) देखील टोला लगावला. शिवतीर्थावर गर्दी ही अजित पवार आणि सुप्रिया सुळे (Supriya Sule) यांनी गोळा केलेली असेल. स्टेजवर फक्त आमचे उद्धवसाहेब मार्गदर्शन करतील असं शहाजीबापू पाटील म्हणाले. मात्र खरे वाघाच्या अवलादी असणारे शिवसैनिक बिकेसी मैदानावर असतील असंही पाटील म्हणाले.
पुढे शहाजीबापू पाटील म्हणाले, अधिकाऱ्यांवर दबाव तंत्र वापरायची पवार फॅमिलीची जुनी सवय आहे. पण त्यांच्या दबावाला कोणताही अधिकारी आता बळी पडणार नाही. तसंच दसरा मेळाव्याला गर्दी ही राष्ट्रावादी काँग्रेसची (NCP) असणार आहे. खरे शिवसैनिक बिकेसी मैदानावर असणार आहेत. मुंबईची जनता ही सुद्धा एकनाथ शिंदे (Eknath Shinde) यांच्या पाठीमागे राहणार आहे. राष्ट्रवादी काँग्रेसची सत्ता गेल्यामुळं ते भांबावून गेले आहेत. त्यामुळं चिडून ते सगळा प्रकार करत आहेत. अडीच वर्षापूर्वी जे घडायचं होतं ते थोडं उशीरा घडलं. आमचं सरकार चांगलं काम करत असल्याचंही पाटील म्हणाले.