मुंबई | Kirit Somaiya Viral Video Case – भाजप नेते किरीट सोमय्या (Kirit Somaiya) यांचा आक्षेपार्ह व्हिडीओ सोशल मीडियावर व्हायरल झाल्यानंतर सगळीकडे एकच खळबळ उडाली आहे. हा व्हिडीओ व्हायरल झाल्यानंतर किरीट सोमय्या यांच्यावर अनेक राजकीय नेत्यांकडून जोरदार टीका केली जात आहे. यामध्ये विधान परिषदेचे विरोधी पक्षनेते अंबादास दानवे (Ambadas Danve) यांनी सोमय्यांवर हल्लाबोल केला असून त्यांनी विधान परिषदेच्या उपसभापती नीलम गोऱ्हे (Neelam Gorhe) यांच्याकडे या प्रकरणातील आठ तासांचे व्हिडीओ फुटेज असलेला पेनड्राईव्ह दिला आहे.
एकीकडे किरीट सोमय्या यांच्यावर विरोध पक्षनेत्यांकडून सडकून टीका केली जात आहे. तर दुसरीकडे शिंदे गटाचे आमदार शहाजीबापू पाटील (Shahajibapu Patil) यांनी किरीट सोमय्यांसाठी देवाकडे प्रार्थना केली आहे. ते माध्यमांशी बोलत होते. यावेळी शहाजीबापू पाटील म्हणाले की, किरीट सोमय्या यांचा संबंधित व्हिडीओ हा बनावट आणि खोटा निघावा, अशी प्रार्थना मी परमेश्वराकडे करतो.
सरपंचापासून ते अगदी मुख्यमंत्र्यांपर्यंत कोणताही लोकप्रतिनिधी असला तरी त्यानं नैतिकतेनं वागणं ही राजकारणातील जबाबदारी आहे. त्यामुळे सोमय्यांची ही व्हिडीओ क्लिप बनावट आणि खोटी निघावी, अशी प्रार्थना मी करतो, असं शहाजीबापू पाटील म्हणाले.