“पंतप्रधान नरेंद्र मोदी आणि अमित शहा तुम्ही मसनात जा”

मुंबई | Deepali Sayed On Chandrakant Patil | भाजप नेते चंद्रकांत पाटील (Chandrakant Patil) यांनी खासदार सुप्रिया सुळे (Supriya Sule) यांच्याबाबत केलेल्या चुकीच्या वक्तव्याचे पडसाद सध्या राज्यभरात उमटू लागले आहेत. चंद्रकांत पाटील (Deepali Sayed On Chandrakant Patil) यांनी भाजपाने (BJP) काढलेल्या मोर्च्यात बोलताना सुप्रिया सुळेंवर टीका केली होती. यावर शिवसेना नेत्या आणि अभिनेत्री दीपाली सय्यद यांनी प्रत्युत्तर दिलं आहे.

“कशासाठी राजकारणात राहता, घरी जा घरी, स्वयंपाक करा. खासदार आहात ना तुम्ही, कळत नाही एका मुख्यमंत्र्याची भेट कशी घ्यायची असते? कळत नाही एक शिष्टमंडळ पाठवायचं? आता घरी जाण्याची वेळ आली आहे. एवढेच नाही, तर तुम्ही दिल्लीत जा, नाही तर मसनात जा, शोध घ्या आणि आरक्षण द्या.” असं चंद्रकांत पाटील म्हणाले होते. यासंदर्भात आता शिवसेना नेत्या (Shivsena) आणि अभिनेत्री दीपाली सय्यद (Deepali sayed) यांनी भाष्य केलं आहे.

दीपाली सय्यद यांनी चंद्रकांत पाटलांवर जोरदार हल्लाबोल केला आहे. दीपाली यांनी आपल्या ट्विटर अकाऊंटवरून यासंदर्भात ट्विट केलं आहे. “मोदींनी मसनात जा, शहांनी मसनात जा, वाढती महागाई, दरवाढ आटोक्यात येत नसेल तर हिमालयात जाऊन संन्यास घ्या,” असं दीपाली सय्यद यांनी आपल्या ट्विटमध्ये म्हटलं आहे.

दरम्यान, राष्ट्रवादी काँग्रेसच्या (NCP Speaks) नेत्यांकडून देखील चंद्रकांत पाटलांवर निशाणा साधला जात आहे. पुण्यातही रुपाली पाटील (Rupali Patil) यांच्याकडून चंद्रकांत पाटील यांना प्रत्युत्तर देण्यात आलं आहे. तर सदानंद सुळेंनी (Sadanand Sule) सुद्धा चंद्रकांत पाटलांच्या वक्तव्यावर ट्विट केलं आहे. तसंच या सर्व घडामोडीत पुण्यात चंद्रकांत पाटलांच्या विरोधात बॅनरबाजी दिसून आली आहे.