मुंबई | Katrina Kaif And Vicky Kaushal Life Threat – बाॅलिवूड अभिनेत्री कतरिना कैफ आणि तिचा पती आणि अभिनेता विकी कौशलला जीवे मारण्याची धमकी देण्यात आली आहे. या प्रकरणामध्ये मुंबईमधील सांताक्रूझ पोलीस स्थानकामध्ये अज्ञात व्यक्तीविरोधात गुन्हा दाखल करण्यात आला होता. कतरीना कैफ आणि विकी कौशलला सोशल मीडियाच्या माध्यमातून जीवे मारण्याची धमकी देण्यात आली होती. त्यानंतर सांताक्रूझ पोलिसांनी आरोपीला अटक केली आहे.
पोलिसांनी दिलेल्या माहितीनुसार, मनविंदर सिंह हा छोट्या मोठ्या चित्रपट आणि मालिकांमध्ये काम करणारा अभिनेता आहे. आपण कतरिनाचा चाहता असल्याचा दावा त्याने केला आहे. तो कतरिना कैफला सोशल मीडियावर स्टॉक देखील करत होता. सांताक्रूझ पोलिसांनी भारतीय दंड संहिता कलम 506-II (गुन्हेगारी धमकावणे) आणि 354-डी (पीछे मारणे) अंतर्गत मनविंदरविरोधात एआयआर दाखल केली आहे. तसंच पोलिसांनी आयटी अॅक्टनुसार गुन्हा दाखल केला आहे.
दरम्यान, काही आठवड्यांपूर्वीच अभिनेता सलमान खान आणि त्याचे वडील सलिम खान यांनासुद्धा जीवे मारण्याची धमकी देण्यात आली होती. यानंतर सलमान आणि त्याच्या कुटुंबियांच्या सुरक्षेमध्ये वाढ करण्यात आली आहे. या धमकीनंतर सलमान खानने मुंबई पोलीस आयुक्त विवेक फळसणकर यांची भेट घेऊन स्वसंरक्षणासाठी शस्त्र परवाना द्यावा, अशी मागणी केली आहे.