प. बंगालमधील परगणा जिल्ह्यातील जगतदल भागात तृणमूल काँग्रेसचे नेते अशोक साहू त्‍यांची गोळ्या झाडून हत्‍या केली. हल्लेखोरांनी बॉम्बफेकसह त्यांच्यावर गोळ्या झाडल्‍या. राज्याच्या विविध भागातून हिंसाचाराच्या अनेक घटना घडत असल्याचा दावा, विरोधी पक्षनेते सुवेंदू अधिकारी यांनी केला आहे.
उपचारापूर्वीच अशोक साहू यांचा मृत्यू
गोळी लागल्याने अशोक साहू यांचा मृत्यू झाला. ते एक प्रामाणिक व्यक्ती होते आणि कधीही भ्रष्ट व्यवहारात गुंतले नव्हते. पोलिसांना खऱ्या घटनेबद्दल सर्व काही माहित आहे,” असे साहू यांच्या भावाने सांगितले. तृणमूलचे माजी वॉर्ड अध्यक्ष अशोक साहू हे चहाच्या दुकानात बसले असताना त्यांच्यावर हल्ला करण्यात आला. ते गंभीर जखमी झाले. त्यांना रुग्णालयात दाखल करण्यात आले. मात्र उपचारापूर्वीच त्‍यांचा मृत्यू झाल्‍याचे डॉक्‍टरांनी सांगितले.
हिंसाचाराच्या विविध घटना
फेब्रुवारी २०२३ मध्ये अशोक साहू यांच्यावर हल्ला झाला होता. या प्रकरणाचा तपास सुरु आहे,” असे बॅरकपूरचे आयुक्त आलोक राजोरिया यांनी घटनेनंतर घटनास्थळी भेट दिल्यानंतर सांगितले. पोटनिवडणुकीसाठी कडेकोट बंदोबस्त तैनात करण्यात आल्या आहेत. CRPFच्या समुरा १०८ कंपन्या तैनात करण्यात आल्या आहेत. तालडांगरा येथे २२ , मेदिनीपूर येथे १९, मदारीहाट, सीताई आणि हरोआ येथे प्रत्येकी १८ आणि नैहाटी येथे १३कंपन्या तैनात करण्यात आल्या आहेत. मात्र, हिंसाचाराच्या विविध घटना समोर आल्या आहेत.
कूचबिहारमधील मतदान प्रक्रियेत ‘बीएसएफ’चा हस्तक्षेप : तृणमूल
पश्चिम बंगालमधील सीताई, मदारीहाट नैहाटी, हरोआ, मेदिनीपूर आणि ताल्डांगरा विधानसभा मतदारसंघात पोटनिवडणूक होत आहे. दरम्यान, तृणमूलचे खासदार जगदीश बसुनिया यांनी दावा केला की, कूचबिहारमधील मतदान प्रक्रियेत बीएसएफ हस्तक्षेप करत आहे. पक्षाच्या पोलिंग एजंटला बूथमध्ये बसू दिले जात नसल्याचा आरोप केल्यानंतर नैहाटी येथे भाजपचे उमेदवार रूपक मित्रा मलंचा हायस्कूलमध्ये गेले. याप्रकरणी निवडणूक आयोगाकडे रितसर तक्रार दाखल करण्यात आली होती, असेही त्‍यांनी म्‍हटलं आहे.
धमकीचा व्हिडिओ व्‍हायरल
राज्य विधानसभेतील विरोधी पक्षनेते, सुवेंदू अधिकारी यांनी X वर व्हिडिओ शेअर केला असून, मंगळवारी रात्री दुचाकीवरून आलेल्या हल्लेखोरांनी सीताई विधानसभा मतदारसंघात भाजप कार्यकर्त्यांना धमकावताना दिसल्याचा आरोप केला. “हे ममतांच्या राजवटीत “खऱ्या लोकशाहीचे” उदाहरण आहे. सीताई विधानसभा मतदारसंघात TMC लंपास @BJP4Bengal कार्यकर्त्यांच्या घरी भेट देत आहेत आणि पोटनिवडणुकीपूर्वी त्यांना धमकावत आहेत. कार्यकर्त्यांना निवडणूक प्रक्रियेत सहभागी होण्यापासून रोखण्यासाठी पोलिसांकडून सतत नजर ठेवली जात आहे,” अशी पोस्‍ट सुवेंदू अधिकारी यांनी त्यांच्या X हँडलवर शेअर केली आहे.