नवी दिल्ली | WHO – पालकांनो तुम्ही तुमच्या मुलांना खोकल्याची औषधं देत असाल तर सावधान. कारण काही दिवसांपूर्वीच उझबेकिस्तानमध्ये (Uzbekistan) कफ सिरपचं सेवन केल्यामुळे 19 लहान मुलांचा मृत्यू झाला होता. ही घटना मारयान बायोटेक प्रायव्हेट लिमिटेड (Indian’s Marion Biotech) या मूळच्या भारतीय कंपनीनं तयार केलेल्या कफ सिरपच्या (Cough Syrup) सेवनामुळे घडली असल्याचा दावा करण्यात येत होता. या पार्श्वभूमीवर जागतिक आरोग्य संघटनेनं (WHO) या कंपीनचे सिरप लहान मुलांना देऊ नये, असं आवाहन केलं आहे.
उत्तर प्रदेशमध्ये असलेल्या मारयॉन बायोटेक कंपनीकडून Ambronol आणि DOK-1 Max या दोन कफ सिरपचं उत्पादन घेतलं जातं. या दोन कफ सिरपची चाचणी केल्यानंतर यामध्ये डायइथिलीन ग्लायकोल आणि इथिलीन ग्लायकोल हे घटक योग्य प्रमाणात नसल्याचं समोर आलं आहे. त्यामुळे जागतिक आरोग्य संघटनेनं लहान मुलांना मारयॉन बायोटेक कंपनीचे वरील दोन कफ सिरप देऊ नये, असं आवाहन केलं आहे.
दरम्यान, मारियॉन बायोटेक कंपनीनं निर्माण केलेल्या कफ सिरपच्या सेवनामुळे उझबेकिस्तानमध्ये तब्बल 19 मुलांचा मृत्यू झाला होता. ही घटना डिसेंबर महिन्याच्या शेवटच्या आठवड्यात घडली आहे. श्वसनाचा विकार जडल्यामुळे या मुलांचा मृत्यू झाला होता. मृत्यू झालेल्या या मुलांना रुग्णालयात दाखल करण्यापूर्वी त्यांच्या पालकांकडून डॉक-1 मॅक्स सिरप (Dok-1 Max Syrup) देण्यात आलं होतं. 2 ते 7 दिवस हे औषध मुलांना , दिवसातून 3 ते 4 वेळा देण्यात आलं होतं. तसंच प्रमाणापेक्षा जास्त औषध दिल्यामुळे या मुलांचा मृत्यू झाला होता.