मुंबई : (Uddhav Thackeray will visit damaged Aurangabad) मागील आठवडाभरापासून परतीच्या पावसाने मराठवाड्यामध्ये मोठ्या प्रमाणावर अतिवृष्टी झाल्याने शेतीचं नुकसान झालेलं आहे. याची शेतकऱ्यांच्या मदतीला शिवसेना पक्षप्रमुख उद्धव ठाकरे उद्या मराठवाडा पाहाणी दौऱ्यासाठी जात आहेत.
मागील काही दिवसांपासून होणाऱ्या सततच्या पावसामुळे मराठवाड्यात कापूस आणि सोयाबीनसह फळबागांचे मोठ्या प्रमाणावर नुकसान झालेलं आहे. शेतकऱ्यांच्या हातातोंडाशी आलेला घास निसर्गाच्या लहरीपणामुळे हिरावला गेला. परंतु शासनाकडून शेतकऱ्यांना कुठल्याही पद्धतीची अशी ठोस मदत करण्यात आली नाही. शेतकऱ्यांचे हेच दुःख उद्धव ठाकरेंना जिव्हारी लागल्याचे दिसून येत आहे. त्यामुळेच शिवसेनेतल्या बंडानंतर उद्धव ठाकरे पहिल्यांदाच महाराष्ट्र दौरा करणार आहेत.
उद्धव ठाकरे उद्या सकाळी ११ ते १२ वाजता मुंबईहून विमानाने औरंगाबादकडे निघतील. त्यानंतर ते शेतकऱ्यांशी चर्चा करणार आहेत. नुकसानीची पाहाणी करुन ओला दुष्काळ जाहीर करण्याची ते मागणी करु शकतात. याबाबतची अधिकृत माहिती शिवसेनेच्या ट्विटर हँडलवर देण्यात आली आहे.